ابراهيم بن مريع
11-07-2007, 04:29 PM
ياهاجسي ليل السهر وش طوله= تعب الجفن من طوله وتعذيبه
ياهاجسي عطني رموز حلوله=الرمز غامض والحلول إصعيبه
الوقت بيّن صملته وفعوله= والحال حقل فعوله وتجريبه
الوقت سلّ سيوفه المصقوله=لاتردعه صده ولا تجنيبه
الوقت حملني ثقيل حموله=والراس بيّن فيه ذارح شيبه
وهموم وقتي في الحشا محموله=من حبها له ما نوت تصخي به
لكن عزاي إن الرجل مجبوله=على دروب المرجله والهيبه
أعزها من خطوة مجهوله= تفتح لفم اللاش مايحكي به
اللي مع أهل الطيب ماله جوله= اسمه مع طاري الردى يبطي به
إيده عن افعول الكرم مكبوله= ليت اليمين القاصره عطيبه
الطيب شئٍ مستحيل ينوله= ياجعل مثله ينقطع به صيبه
الطيب ماهو طيب ربع التوله=عقّب صبيٍ يعتقد ذا طيبه
الطيب طيبٍ تفعله وتقوله=طيبٍ يجمل واحدٍ يمشي به
واليوم حتى اللاش جاله صوله= وهو رياله مايفارق جيبه
وقت الرخا يا كثر شيفة زوله= ولا يطرّى لا دهتك مصيبه
هذاك مثله لاتقرّب حوله=ولا تقرّب من صحيب اصحيبه
ولا يغرك فيه زين هموله= أجمل ثيابه ما تغطي عيبه
وأن كان قال إن غلطته مقبوله=حيث الشفاعه في كثر ترحيبه
قلّه فعوله كذبةٍ مفعوله = وأما الحكي ياكثره وياطيبه
قد قالها الأول وهي مقيوله=أستنت الحشوان حتى جريبه
ياهاجسي عطني رموز حلوله=الرمز غامض والحلول إصعيبه
الوقت بيّن صملته وفعوله= والحال حقل فعوله وتجريبه
الوقت سلّ سيوفه المصقوله=لاتردعه صده ولا تجنيبه
الوقت حملني ثقيل حموله=والراس بيّن فيه ذارح شيبه
وهموم وقتي في الحشا محموله=من حبها له ما نوت تصخي به
لكن عزاي إن الرجل مجبوله=على دروب المرجله والهيبه
أعزها من خطوة مجهوله= تفتح لفم اللاش مايحكي به
اللي مع أهل الطيب ماله جوله= اسمه مع طاري الردى يبطي به
إيده عن افعول الكرم مكبوله= ليت اليمين القاصره عطيبه
الطيب شئٍ مستحيل ينوله= ياجعل مثله ينقطع به صيبه
الطيب ماهو طيب ربع التوله=عقّب صبيٍ يعتقد ذا طيبه
الطيب طيبٍ تفعله وتقوله=طيبٍ يجمل واحدٍ يمشي به
واليوم حتى اللاش جاله صوله= وهو رياله مايفارق جيبه
وقت الرخا يا كثر شيفة زوله= ولا يطرّى لا دهتك مصيبه
هذاك مثله لاتقرّب حوله=ولا تقرّب من صحيب اصحيبه
ولا يغرك فيه زين هموله= أجمل ثيابه ما تغطي عيبه
وأن كان قال إن غلطته مقبوله=حيث الشفاعه في كثر ترحيبه
قلّه فعوله كذبةٍ مفعوله = وأما الحكي ياكثره وياطيبه
قد قالها الأول وهي مقيوله=أستنت الحشوان حتى جريبه