كبرياء
03-08-2007, 04:59 PM
السلام عليكم ورحمة الله وبركاته...
تحيه عطره للقلوب الشذية بهذا الصرح المتميز بأعضائه الكرام ...
على وجه الرياض المفعم المتباهي المغـرور=محتك ليلةٍ كنك تقـول مـن البهـا شوفـي
على جسر النظر بين البشر والناس والجمهور=رقك الله عـن كـل المـلا ياسيّـد حروفـي
سرت روحي من الشوق المولع كنها عصفور=تحفّك من يمين ومن يسار وترجـع لجوفـي
تمد لخافقي نظرتك ماتـدري عـن المستـور=بقلبٍ سلّـم المفتـاح لـك والقفـل بظروفـي
جذبت الروح يالمعروف..يالجذاب..يالمشهور!!=واخاف من الغلا لازاد يدنينـي مـن حتوفـي
وانا روحي لروحك لاسرت ماهمهـا الطابـور=تعدا لك ولوان الحرس مـن دونهـا وقوفـي!
فديت الطله وجمـعٍ حوالينـك بـدا مغمـور=مااشوف لهم أثر لو انهـم زافـات وولوفـي
فديت البسمة اللماعـه اللـي تشبـه البلـور=فديت (المملكه) واسواقها والجسر و(الكوفـي)
تناظرني وابادلك النظـر مليـان كـم شعـور=واقدم خطوةٍ وجله..عليهـا ينتصـر خوفـي
حبيبي والرياض تغني النـا ليلهـا المسمـور=ونصبح والحقايق ماثـلات بشوفـك وشوفـي
وش اللي حدنا نلمح بعضنا والنظر محظور؟!=وش اللي حدنا وسنينـا بالحلـم ماتوفـي؟!
وش اللي من وهمنا باقيٍ مازال يلعـب دور؟!=يامسرع مانسينا والأمـل مـازال مكتوفـي!!
تعال وننهي اللعبـة قبـل لانبتـدي ونـدور=بنفس الحلقه ونرجع نقول صدوف وظروفـي
تعال نودع اطلال الحنين بحضـرة الجمهـور=رح بدربك وانا مثلك بعـد ياسيـد حروفـي!
وسلامتكم ..
تحيه عطره للقلوب الشذية بهذا الصرح المتميز بأعضائه الكرام ...
على وجه الرياض المفعم المتباهي المغـرور=محتك ليلةٍ كنك تقـول مـن البهـا شوفـي
على جسر النظر بين البشر والناس والجمهور=رقك الله عـن كـل المـلا ياسيّـد حروفـي
سرت روحي من الشوق المولع كنها عصفور=تحفّك من يمين ومن يسار وترجـع لجوفـي
تمد لخافقي نظرتك ماتـدري عـن المستـور=بقلبٍ سلّـم المفتـاح لـك والقفـل بظروفـي
جذبت الروح يالمعروف..يالجذاب..يالمشهور!!=واخاف من الغلا لازاد يدنينـي مـن حتوفـي
وانا روحي لروحك لاسرت ماهمهـا الطابـور=تعدا لك ولوان الحرس مـن دونهـا وقوفـي!
فديت الطله وجمـعٍ حوالينـك بـدا مغمـور=مااشوف لهم أثر لو انهـم زافـات وولوفـي
فديت البسمة اللماعـه اللـي تشبـه البلـور=فديت (المملكه) واسواقها والجسر و(الكوفـي)
تناظرني وابادلك النظـر مليـان كـم شعـور=واقدم خطوةٍ وجله..عليهـا ينتصـر خوفـي
حبيبي والرياض تغني النـا ليلهـا المسمـور=ونصبح والحقايق ماثـلات بشوفـك وشوفـي
وش اللي حدنا نلمح بعضنا والنظر محظور؟!=وش اللي حدنا وسنينـا بالحلـم ماتوفـي؟!
وش اللي من وهمنا باقيٍ مازال يلعـب دور؟!=يامسرع مانسينا والأمـل مـازال مكتوفـي!!
تعال وننهي اللعبـة قبـل لانبتـدي ونـدور=بنفس الحلقه ونرجع نقول صدوف وظروفـي
تعال نودع اطلال الحنين بحضـرة الجمهـور=رح بدربك وانا مثلك بعـد ياسيـد حروفـي!
وسلامتكم ..