اليل اليل اليل

[عبد الهادي حمد العفيش]

طاروق سريع

الطارف سديد


ياسلام الله على اهل الطيب ذربين الايماني=سنة الاسلام نبدى بالسلام وبالتحيه

جيت ابغني واجر الصوت وين اهل المعاني=فالضمير علوم والذمه من الذمه بريه

[سلطان ال عمير]

أبو حمد

مرحبا و مسهلا

سجلني متابع

و حتماً سنجد هنا الإبداع



وينكم يالفرسان :)

..

[خليل بن هدلان]

الله عليك وننتظر


شاعر آخر


لاني دائما في صفك ولا يمكن اكون ضدك:)

[حسين العبدي]

مرحبا ترحيبة بالهيل والبن اليماني=كيف راس وقدر للي يستحق المقدريه

وش علومك زانت علومك بعد مالعلم جاني=انك سوّقت افخم اسواق الجنيه العالميه


اتشرف باللعب معك يابوحمد

[عبد الهادي حمد العفيش]

ارحب ياحسين

الشرف لنا طال عمرك


البقاء ياللي تقدم هيلها والزعفراني=عادت اهل الطيب تقديم الشحم والشاذليه

احمد الله يوم جيت السوق قدمت السماني=والنتيجه جات فوق الوصف والرحله مديه

[خليل بن هدلان]

الله الله


متابعين متابعين

[حسين العبدي]

دلوي بهداج ورشيّه على ظهور السواني=اجذبه مليان من جم مواردها رهيه

بكره ترسّي البواخر شرق في ساحل عماني=وانت كبتن بس لازم خطةٍ جهنميه

[حسين العبدي]

ابوذيب



متابعتك فخر لنا

[عبد الهادي حمد العفيش]

الذهب فالسوق ماعذربه يكون السناني=والسناني فالبلد ماله شداد ولا مطيه

حاسب حسابي وعشري عشر ماترجع ثماني=بس لاذلحين حجزي ماتوكد للحويه

[عبد الهادي حمد العفيش]

ابو ذيب

متابعتك

اتزيد ماتنقص

[حسين العبدي]

كل ماواجهت لك علة نحر في ذالزماني=اضحكه واضحك عليه وعدّه شويه شويه

ان لبست البشت سقنا لك يابوزيد التهاني=وان تركته مااعتقد ينقصك عزم ومعنويه

[عبد الهادي حمد العفيش]

ماعلينا من فلان ولا علينا من فلاني=المهم اقدم المطلوب واشوف العبيه

ان لبسنا البشت والا مالبسنا ياقحطاني=مايغير شي وعزومي على الدنيا قويه

[حسين العبدي]

لاشهاده ياطويل العمر من غير امتحاني=وان خذيت الثانويه اجتهد للجامعيه

قبل قاصي النجم به نجم يابن الاجواد داني=والله اني خابرك تحسب لهاذيه وذيه

[عبد الهادي حمد العفيش]

ادري ان المرجله ماهيب تاتي بالتماني=ببذل المجهود والتوفيق من رب البريه

مقصدي ساس العرب والنجم الادنا ماخفاني=وان حسبتوها غلط ياحسين غلطه مطبعيه

[خليل بن هدلان]

الله الله عليكم


سجلوني متابع لكم

[حسين العبدي]

المراجل كنز وانته معك تامين وضماني=تاجر وورثك من كنوز الجدود الاوليه

بيض الله وجهك ولايلحقك لوم وهواني=والله نارك مع اهل المعرفه ياشيخ حيه

[عبد الهادي حمد العفيش]

سلطان ال عمير

وخليل

الله لايهينكم على المتابعه


كان حولك فزعه افزع قبل تصدير البياني=الحباب الهم بذيك الدار روحاتً وجيه

وانت والله كفو واحسبك من حساب الخواني=شاعر ومن روس ربعاً يحتمون الدوبليه




حسين بيض الله وجهك

والختم عندك

لاهنت

[حسين العبدي]

ابوحمد


الله لايهينك

تشرفت باللعب معك


شكرا لك ولكل من شاركنا

[عبدالله بن غفره]

محاورة رائعه


وطرق جميل جداً


بيض الله وجيهكم وصح الله السنتكم يالربع


تحياتي