فراج بن جفران
09-08-2007, 03:41 AM
هذه مصافحتي الاولى لكم واتمنى ان تنال القليل من اعجابكم
البارحه ياصاحبي والليل والجـرح الجديـد=والعبره اللي ماقويت اكتم صـدى موالهـا
والضيقه اللي تنتقل مابين قلبـي والوريـد=والمزنه اللي فوق خـدي ماوقـف همالهـا
لو ان دمعي غالي ولو ان قلبي مـن حديـد=فالبارحه عزمي ضعف من طولها واهوالها
والجادل اللي من حلاها صارت الساده عبيد=اللي يشيّب راس طـرّاد الهـوى ماطالهـا
بنت الشيوخ اهل الكرم والجود والمجد التليد=وام الدلع وام الدلال اللـي خذتـه لحالهـا
اللي غلاها حطم ضلوعي وانا صبري شديد=واستاسرت روحي وروحي ماحدٍ قد نالهـا
حسبي عليها كل ماخط القلم حرف القصيـد=يكتب معاناة الخفوق اللي نسـاه وصالهـا
وحسبي عليها كل ماغنّوا مواويـل النشيـد=واغرورقت عيني وروحـي حالهـا يرثالهـا
عقب الوصال اللي بَنَتْه سنين والحلم السعيد=واول حروف اسمي تحطه رمز في سلسالها
ماعاد احصل من علاقتها سوا العذر الزهيد=لين اخسرت وصلي لها من طيشها واهمالها
وامّا غلاها والله انه كل يـومٍ فـي مزيـد=من وين مالديت عينـي يعتـرض خيالهـا
اهوَن علي اعيش في نار الفراق وهي بعيد=ولا عذابي كـل ليلـه وانتظـر مرسالهـا
مليت من طول الصبر..مليت من عذر البليد=ومن الجروح اللي عرفت انواعها واشكالها
بحاول انسى مامضالـي واتسـلا بالقصيـد=لو كان قلبي راح من زود الغلا يبـرا لهـا
هي تريد...وانا اريد...والله يفعـل مايريـد=والادمي يفنـى ورغبـة خاطـره ماطالهـا
وسلامتكم
البارحه ياصاحبي والليل والجـرح الجديـد=والعبره اللي ماقويت اكتم صـدى موالهـا
والضيقه اللي تنتقل مابين قلبـي والوريـد=والمزنه اللي فوق خـدي ماوقـف همالهـا
لو ان دمعي غالي ولو ان قلبي مـن حديـد=فالبارحه عزمي ضعف من طولها واهوالها
والجادل اللي من حلاها صارت الساده عبيد=اللي يشيّب راس طـرّاد الهـوى ماطالهـا
بنت الشيوخ اهل الكرم والجود والمجد التليد=وام الدلع وام الدلال اللـي خذتـه لحالهـا
اللي غلاها حطم ضلوعي وانا صبري شديد=واستاسرت روحي وروحي ماحدٍ قد نالهـا
حسبي عليها كل ماخط القلم حرف القصيـد=يكتب معاناة الخفوق اللي نسـاه وصالهـا
وحسبي عليها كل ماغنّوا مواويـل النشيـد=واغرورقت عيني وروحـي حالهـا يرثالهـا
عقب الوصال اللي بَنَتْه سنين والحلم السعيد=واول حروف اسمي تحطه رمز في سلسالها
ماعاد احصل من علاقتها سوا العذر الزهيد=لين اخسرت وصلي لها من طيشها واهمالها
وامّا غلاها والله انه كل يـومٍ فـي مزيـد=من وين مالديت عينـي يعتـرض خيالهـا
اهوَن علي اعيش في نار الفراق وهي بعيد=ولا عذابي كـل ليلـه وانتظـر مرسالهـا
مليت من طول الصبر..مليت من عذر البليد=ومن الجروح اللي عرفت انواعها واشكالها
بحاول انسى مامضالـي واتسـلا بالقصيـد=لو كان قلبي راح من زود الغلا يبـرا لهـا
هي تريد...وانا اريد...والله يفعـل مايريـد=والادمي يفنـى ورغبـة خاطـره ماطالهـا
وسلامتكم