خليل بن هدلان
19-06-2007, 06:03 PM
ورقه قديمه ( تفعيلاً للمشاركه )
انا اسهر مع التفكير والهم والهوجاس= الى نامو السالين اولع قناديلي
واحمس المعاني حمسة البن بالمحماس= واسوق القوافي مثل سوق الفناجيلي
واعبر شعور الخاطر الشاعر الحساس = وافيّض هموم بالحشا تحط وتشيلي
انا العارف الفاهم وانا الجاهل المحتاس=فهمت المقافي والبلا بالمقابيلي
صحيح التجارب للفتى بالعمر مقياس= وترا كل وقت له تجارب وله جيلي
سمعنا وشفنا والتجارب لنا نبراس= وحصدنا المعرفه مثل حصد المحاصيلي
وترى كل يوم فيه درس وشيبة راس= وكثير التجارب يصنعن الرجاجيلي
لكن الذهب مافيه يوم يصير انحاس= ولو عذربوه وعدلو فيه تعديلي
ولايمكن ان البوم ياتي له بقرناس= وذا مستحيل امحال من دون تحليلي
وصدق من يقول الناس ياهل العقول اجناس= يميزهم اللي يعرف الشمس والليلي
وانا ارافق الطيب ولو من بعيد الناس= وراع الردا ما ابيه لو كان ياتيلي
احب الرجال اهل الوفا طيبين الساس= هل العز والناموس والبن والهيلي
ويمين علي ما ارافق النذل والبلاس= وراع النمامه ناقل القال والقيلي
ادور على المكسب واجنب من الافلاس= وانا مكسبي ربع قروم مشاكيلي
انا اسهر مع التفكير والهم والهوجاس= الى نامو السالين اولع قناديلي
واحمس المعاني حمسة البن بالمحماس= واسوق القوافي مثل سوق الفناجيلي
واعبر شعور الخاطر الشاعر الحساس = وافيّض هموم بالحشا تحط وتشيلي
انا العارف الفاهم وانا الجاهل المحتاس=فهمت المقافي والبلا بالمقابيلي
صحيح التجارب للفتى بالعمر مقياس= وترا كل وقت له تجارب وله جيلي
سمعنا وشفنا والتجارب لنا نبراس= وحصدنا المعرفه مثل حصد المحاصيلي
وترى كل يوم فيه درس وشيبة راس= وكثير التجارب يصنعن الرجاجيلي
لكن الذهب مافيه يوم يصير انحاس= ولو عذربوه وعدلو فيه تعديلي
ولايمكن ان البوم ياتي له بقرناس= وذا مستحيل امحال من دون تحليلي
وصدق من يقول الناس ياهل العقول اجناس= يميزهم اللي يعرف الشمس والليلي
وانا ارافق الطيب ولو من بعيد الناس= وراع الردا ما ابيه لو كان ياتيلي
احب الرجال اهل الوفا طيبين الساس= هل العز والناموس والبن والهيلي
ويمين علي ما ارافق النذل والبلاس= وراع النمامه ناقل القال والقيلي
ادور على المكسب واجنب من الافلاس= وانا مكسبي ربع قروم مشاكيلي