راعي الشرقيه من دووووون امر!!!!!!

[عبدالله المهداني]

سلام والنيه على أهل الشرق ما فيها كلام = وأخص ابو نواف عندي له سواليف وعبر
ان كانها يا عيال مفلح روحت برد وسلام = ويش الخبر يا صاحبي بالله قٌل ويش الخبر

[عبدالله بن عايض الفهري]

يا مرحبا بك عند ربع(ن) من نصاهم ما يضام = ودامك مغامر يا عسى عندك على الشده صبر
اللي حصل راس الجمل ما ساعده كبر السنام = والشيخ ما ينقص معمه لو قطع منّه شبر

[عبدالله المهداني]

دام البقاء يا شاعرٍ رحب على سلم الكرااام = وانا مغامر لكن انك صابك الليله كبر
المشكله يا صاحبي ضاع الحلال من الحرام = وانتوا محازمكم ملي إمن الوديعه للخبر

[عبدالله بن عايض الفهري]

محازم(ن) عاشوا بهيبتها متبعة الجهام = كم كسر من هيبة محازمنا يا رجال انجبر
وانته عسى شاركت من ضمن الجحافل يا الهمام = تراك في رحله من الميزب ليا جال القبر

[عبدالله المهداني]

يا وجه ربي يا عبيّد خذ كلام أهل المقاااام = ما فيه شك بيننا مير المغفل يعتبر

وقفاتنا تذكر وتعرف فعلنا طبعاً تمام = لكن ( ماكو ) فايده ماكل من غامر عبر

[عبدالله بن عايض الفهري]

وشلون تبغى تعتبر وانته تكثر فالمنام = مدرس التوحيد يا عبيّد ما درسك الجبر
يا الله عسى قسمك وفى مع كل من صلى وصام = ولاّ ترا يا صاحبي دم القلم كله حبر

[عبدالله المهداني]

اناا ماني مثلك ( ........... ) ركز يا علك للرحااام= دل الدروب الي تدل وخل ما تجهل سبر
يا طير بن برمان شلي جبت جعلك ما تظام = طعني وخلك محترم قدام واافين الشبر

[عبدالله المهداني]

ابو نواااااااااااااااف التغطية عندك وصح الله لسااااااااااااااااااااااانك



وبيض الله وجهك ما عاااد الا النووووووووووووم

[عبدالله بن عايض الفهري]

قد قلت لك في عجز أول بيت يا ذيب الظلام = الهرش غير الحاشي اللي ما بعد جا له وبر
الحر يكفخ والقفص مليان بنواع الحمام = والرجل بعيون النشاما لا سفه جاهل كبر

صح لسانك يا ابو سعود

ما قصرت

وتصبح على خير

[ناصر السحيمي]

يا سلام يا سلام

ابداع و امتاع

وينا فيه يوم الحماس قايم

صحت السنتكم يا شعرائنا

تحياتي لكم

[أدهم بن عبدالله]

صح السنتكم على ذا الطارق الجزل

وبيض الله وجيهكم

[سلطان ال عمير]

أررررررحبوو يا رجال

محاورة كبار و مبدعين

صحت السنتكم يا أثنين

تقديري

[عبدالله بن غفره]

يالبا قلوبكم


ابو نواف
ابو سعود

صح الله السنتكم يالوافين

وطرق حامي وساخن:)


انتظركم في امسية قادمة ومباشرة بأذن الله


تحيتي لكم