سلام يا منتدى الفرسان و أخصّ الموقّر خليل ..

[عبدالله الحميداني]

السلام عليكم


سلام يا منتدى الفرسان و أخصّ الموقّر خليل=من هاجس الشاعر اللي يحسب الكلمه ليا جابها
وإن كان به شاعرٍ يلعب معي تراه راعي جميل=أهم شي القوانين القديمة يحسب حسابها

[ابراهيم بن مريع]

ياسلام ياسلام عليك يابو عبدالعزيز


انا في صفك من الآن وننتظر حضور الطرف الثاني


متابع للأخير

[سلطان ال عمير]

و عليكم السلام

أررحب يا ابو عبدالعزيز

أزهل الصف يا أبو نواف

ضد المدعو عبدالله :mad:

الليل الليل

:cool:

[عبد الهادي حمد العفيش]

وعليكم السلام


يامرحبا بالنيابه عن هل الطاله واخص الزميل=اللي بناء خيمة التقوى وثبتها على اكرابها

سولف وجاك الدليله والدليله مايبي له دليل=قد سير اقدام رجله في سهول الارض واهضابها

[عبدالله الحميداني]

يا مرحبا يو ابو حمد

اتشرف باللعب معك ..

دام البقا يالمرحب وأسعد الله وقتكم كلّ ليل=ياللي تعرف النشاما و النشاما تعرف أصحابها
الظاهر أنّك كبير السنّ و أنّك تفعل المستحيل=وأقول لو لا العقل.. بعض التجارب ما بدينابها

[خليل بن هدلان]

يا سلام عليكم


سجلوني متابع لكم


وانا بين الصفوف

[عبد الهادي حمد العفيش]

البقاء


عرف النشاما لك الله يالحبابي عندي اكبر حصيل=هو مكسبي والمراجل يافتى من حظ كسابها

مايصنع المستحيل الا الله ولانسان عابر سبيل=والعقل نعمه من الله والدعاوي فلو اكتابها

[عبدالله الحميداني]

تستاهل الطيب و التقدير و الفنجال بنٍ و هيل=والمرجله ما كسبها غير من يسبق على بابها
استغفر الله.. ترا بعض السوالف له جراير و ذيل=والمستحيله لها رجال يصمل لا تهقوابها

[حسين العبدي]

ياسلام ياسلام



عبدالله وعبدالهادي



امتعونا الله يمتعكم بالعافيه

[سلطان ال عمير]

الله الله

إبدااع يا أثنين

أبو عبدالعزيز و أبو حمد

سجلوني متابع معكم

الليل الليل

[عبد الهادي حمد العفيش]

جميع الاخوان اللي شاركونا

ارحبو

والله لايهينكم كلا بسمه


وتشرفت بمجارتك ياعبد الله

ولاهنت



وانته كفو لاحصل فالوقت والايام حطاً وشيل=من عزوة ماتخيب فالمواقف من تعزوابها

احسب حساب العلوم ولابرق فالغيم برق المخيل=خلك مع العالم اللي للمراجل تتعب اركابها

[عبد الهادي حمد العفيش]

شطر البيت الثاني

احسب احساب

نامل التعديل

[عبدالله الحميداني]

يا بو حمد من هو اللي حدّر الوادي وسيله يسيل=كله على شان ذيك الطلبه اللي جاك طلاّبها
إن كان مالك على الميدان خاطر لا كثير و قليل=روّح و روس الظبا ماهيب تشبع من تعشّابها

[عبدالله الحميداني]

جميع الاخوان اللي شاركونا

ارحبو ا ثم ارحبوا


والمعذرة على الترحيب ا لمتأخر


ولا هنتوا يا نشاما


الليل الليل

[عبدالله ماجد المنصوري]

عبدالله وعبدالهادي
اثريتوا الملعبه 0
شكرا لتواجدكم 0

[عبدالله ابن شايع الزهيري]

ياسلام ياسلام



صح الله ألسنكم كلكم ومتابع

[معدي بن محمد]

صح الله ألسنكم كلكم


الله لايهينكم وبيض الله وجيهكم


تحياتي