مساحة شعر. لي /لـــــكم

[شماليه]

مؤلم طعم الفقد.....كوجع يبعثره الصمت....

واملي مفقود يتخبط فوق قسمات ضيااااااااع..

....مرت اعوام.......رصفت فيها وجعي....واليوم....تدفقت كلمات..تدمي وجه البياض









الـزمـان الــي رمانـي..فـي مغبـاتـه رهيـنـه=واضح(ن)..وضح الغموض..وصافي(ن).مثل الغمااااااام
واليالـي..ان علمتنـي عـزف ونات(ن)..حزيـنـه=اسرقت..فـي غفلتـي..كـل ابجـديـات الـكـلااااام

[شماليه]

.




.






ياشعر/جيتك/واعظم الصـدق مبـداي=جيتك/اسوق القلب/فـي حسـن نيـه
واليوم/تدري ياشعوري وش الراااي؟؟=حرام في هالوقت/تكتب/(بـ. ن..ي..ه)








.

[شماليه]

الدمعة اللي بخد الشـوق مسكوبـه=جادت بها العين لاهب الهوى شرقي
ملعون ابو الحب كيف اعلن له التوبه=والخافق اللي بوسط الريم محترقـي
الشوق غلاب..والخطواة محسوبـه=والحب يجري بدال الدم في عرقـي
يفز قلـب العنى..لاجـر مسحوبـه=وش عاد..يومه يجاريني على طرقي
ويشدني..في غلاه.(وحدة اسلوبـه)=واحس..عن جملة الغالين به فرقـي
ياخطوته..درجي صوب الهوى نوبه=ثم اوقفي حول مشراف الغلا وارقي
...وشوفي شموس الهجر وشلون محجوبه=وخيلي سحاب الوفاء لاناض به برقي
ذا زايد الشوق داخل بنت رعبوبـه=ماهي ترانيم صوتن جره الطرقي

[شماليه]

طفله......ودرج خطوتي...هدا...هدا...هدا..هدا=لو قلت ماتحتاجها/ وشلون انـا ماحتاجهـا؟؟
ماقد سمعت ان الزهر/في يوم يجرحـه النـدى=وانت الندى..وانت النقاء/والروح ضاقت ناجهـا

[شماليه]

اهداء...الى من دعاني.. لهذا الصرح الشامخ...


احيان..لقمه..وسـط حلقـك تعديـك=واحيان..طيحه من جبـل ماتضـرك!!
واحيان.. شخص من ابعد الناس يعليك=واحيان..مـن دمـك ولـد مايبـرك
لعيون..من قال اثبتي فـي خطاويـك=الــدار دارك..والقوافـي..مـقـرك
ولعيون من راهن..ومنهـو يجاريـك=ولعيون منهو..باعذب الشعـر قـرك
ان قاله الله..صـادق الفعـل ينبيـك=تبشر..بمجهوداً..عظيـمـاً يـسـرك

[شماليه]

ياقلب/ حذرك/ماورى الميل راحه=لايدخلك ياقلب/في طهرنـا شـك
منهو علا ياقلب/يصعب مطاحـه=مابيك تصبح لقمة(ن)/ داخل الفك
ابـوي وصاني/بعقـل ورجاحـه=باب(ن) وراه الريح/ لابد ينصك

[شماليه]

شمريه....وان عطيت اجزل عطايا=اقطع اليمنى اذا صارت عقيمه
اييييييييه لو تطلب نجوماً في سمايا=كان اهز الليل..كني له غريمه
وانظم النجمات..واحويها حوايا=ثم اقدمها..واقول ابسط غنيمه

[شماليه]

انتخى هاجوس شعري يوم اعـده=واستقام الحرف لاشبيـت نـاري
والله ان القاف حر(ن) يوم اهـده=ماقنص معناه من حكي وهـذاري
معتلـي فـوق السحـاب ولايلـده=غير بدرٍ بالسماء والليـل سـاري
حرفي اللي منتظـر مـده ومـده=اشهـد انـي لاتبنيتـه يـمـاري
(يالجنازه)شوف بنتـك مستعـده=تقلب فنون الشعر لعيـون قـاري
اكتبي ياريـم لـو بالوقـت شـده=وابرقي ثم ارعدي والحرف ضاري
ولو حروفي ماتجمـل مـن يعـده=ماكتبـت اسمـي ولابينـت داري

[شماليه]

ارتجاليه...........للتواصل.


يابنت شمر....هاتي القاف وش فيك=غوصي ابحرك.....وانثري بعض درك
لعل شعرك...لاوصل عند قاريك=يشهق بعال الصوووت ...لله درك

[شماليه]

يقول مغرور ينظر من طـرف عينـه=واقول ماضاقت الدنيـا بمغـروره !!
يزهاء بي الشعـر .لازينـت تلحينـه=واعشق قوافيه.واعشق غبـة بحـوره
تدري عن الجيم وادري وش ورى سينه=لاصرت ماني على التصريح مجبوره
لك من خفوقي كلاماً( قيل في حينـه)=حكمه تعلمتهـا مـن جدتـي نـوره
الدين.والعقل.والميـثـاق يالـزيـنـه=والنفـس بيديك.والاعمـار مامـوره

[شماليه]

هلا بك كل ماذعذع هبوب مـن الشمـال وجـاب=تباشير العطـاء بالخيـر ..صبـه قطـرة قطـره
هلا فجر..وهلا عطر..وهلا زهر..وندى منسـاب=هلا بك..صبح ماطر..فج نحر الليل مـن طهـره
وبعدها..شطر..فوق السطر..والمعنى عليه حجاب=اذا حـرف الشماليه..يزيـد العشـق والسـكـره
انا ياشاعري طفلـة مطر..غنـى لهـا السيـاب=سهرت الليل لعيونه...وامووت اذا نفـذ صبـره
حملت الهم عن قلبه..وخليـت العنـى يرتـاب..=واذا عزم على الفرقى.....حفرت من الوفاء قبره
وانا والشعله الزرقاء....وعشقاً يسحر اللالبـاب=حكايـة عاشقيـن اثنيـن للـي ياخـذ العـبـره
تلبست الهوى معهم...مشاعـر بوحهـا مـاذاب=لقيت الحب مـع جبران...مايبنـى علـى نظـره
والا ياشاعري وقف.....اذا كان الهـوى غـلاب=قسـم بالله ياحرفك....كتبنـي لانثـر حبـره!!!
يزلزلني.....ويطربني....واردد حظنا وش جاب؟؟=يجاوبني صدى صوتك..قلعنا الحلم مـن جـذره!!
واشوفك..تلعـن الظلمه..بحرفـاً لاسمـا ماهـاب=واعيشك هايماً فصل ثياب العشق مـن سهـره!!
امااااااانه كيف تقراني...كما صفحه بوسط كتـاب=وانا وياك...مثل( الامس)..مايرجي لقاء( بكره)..؟
ولكن..كـان تبغاهـا حقيقـه ماعليهـا حجـاب=اذا حرف الشماليـه يزيـد العشـق والسكـره!!!
.......فحرفك يابعد حيي..نصفق له طرب وعجاب=واذا مـره تجاريني...ملكـت الشعر..والشهـره

[شماليه]

العبره الي وقفت داخل الزوووووور=متى الدمووع الصامته تعتصرها؟؟؟

[شماليه]

ماهـو غريـب مـن العنـاء تسهـر العـيـن=المووووووت من يعتاد همه.............ونامه!!!

[شماليه]

العبـره الـي وقفـت داخـل الـزور=ليـت الدمووع.الصامته..تعتصـرهـا
وينك!......تعبت امني الروح بالنور!=امد....خطوات الرجاء........واقتصرها
لاتذبح الضحكه...ولي قلـب مكسـور=اقصر مسافـات الشقا....واختصرهـا

[شماليه]

العيد/ عيدك/يوم حرفـي تمنـاك=مالي بهم/لو قالوا الثقـل صنعـه
وجدي على شوفك/وقربك/وطرياك=اثر الغـلا لازاد/ياصعـب منعـه
اقلط/على فنجال/واشرب بيمنـاك=وقدوع شعري/بالوفاء/جاد ينعـه
تشتاق لي/واشتاق معك وبليـاك=انشهـد اني/قبلكـم كنـت قنعـه
واليوم روحي غارقه في سجاياك=وان غاب طيفك/حرفنا غاب/وانعه

[شماليه]

الله من فرقى تجي بيـن الاحبـاب=خلت خفوقي يبـن الجـواد ذايـب
ان كان حبك ذنب ياعـز الاقـراب=انشهد انـي عنـه مانـي بتايـب
تعال شوف الشوق في وسط الهداب=وضم الخفوق الي من البعد هايـب
ماشاقني...............الاجـنـاب=ولاشاقنـي..............نـايـب
شفي عقالن مال..والراس ماهـاب=شفـي شماليـن يفـك الطلايـب
شفي بعد حيي عريبيـن الانسـاب=اهـل الطنا..ومجمعيـن الكسايـب
واويل حالي دونهم ستـر وحجـاب=واويل حالي..نجمهم صـار غايـب

[شماليه]

الليل ..والهم..ودموع العنـا ..والجفـا=ياللي من العام في قلبي تزيـد الطعـون
تجرح ..وانا اقول ندمح زلة الـي هفـا=لين استلذيت جرحي تحسب انك تمـون
ادري خيالك على قلبي وعينـي ضفـا=وادري غيابك يوصلني حـدود الجنـون
ميلة عقالك..وصمتك..هيبتك....والخفـا=...قلبك ملكته..ولاظنيت عنـدي يهـون
فيني غروراً ذبحني..مـع جنون..وفـا=وانت المراجل تحطم فيك شخصاًحنـون
تعـال ضـم الكفوف..ومدهـا بالـدفـا= هبت هبوب الشمال ولاح برق المـزون
تكفى..طلبتك..من الهجران كافـي كفـا=ايييه اعترف لك على قلبي تمون..وتمون

[شماليه]

ضربـت عراقي...تطـرب الـي مـاطـرب=اشـهـد شهاده..ضـربـتـه ماهـابـهـا
فـز الخفوق....وقـلـت يانجمـن..غـرب=ذي حـيــة رقطا...كـسـرنـا نـابـهـا
مـن فجـر البرجين..؟ميـن الـي ضـرب؟=تدرون..وادري..علته...واسـبـابـهـا!!!
المشكلـه ب/أساس...يـوم احنـا عــرب=بعـنـا السيوف..ونكتـفـي بجرابـهـا!!!
يـقـول جـدي...دلـة فيـهـا ســـرب=فنجالـهـا ينعـاف..دامـه عـابـهـا..!!
وحنـا شربـنـا الـذل..والـي مـاشـرب=.....(تلجم حروف الكلمه الي جابها)؟؟؟؟؟؟؟؟؟

[شماليه]

وكفو بشمر العز


قصيدة رائعة ولا شك


وشاعرة مبدعة بمعنى الكلمة

ناصر الروووقي



عزوتي شمر..ولعتيبه موده=بالكرم والمرجله دايم تماري
تلطم العايل اذا بالوقت شده=يشهد التاريخ لسباعاً ضواري



من الاعماق اشكرك

موده بعرض السماء/ اختك

[شماليه]

يقولون العرب صدر الشمالي مايضيق بساع=وانا اقول الصدور اليوم ماعـادت شماليـه



.
.
خلف المشعان








.
.

.




يقولون صدرك يالشمالي غدى مدهال=وسيعه لك الدنيا ونبعك لهـم صافـي
وانا اقول والله ياخلف ضاقت الاحوال=تجمل بهم ياقلـب لاتكشـف الخافـي
تضيق الدروب ويعتزي بالرجال رجال=وانا لو يضيق الوقت ماقلت له كافـي

شماليه

[شماليه]

اعزف لك احزاني ..واجر المواويـل=لين الظلام الي طوى القلب.......يغفى
ان كان حرفي دمع....حرفك مناديـل=هدهد..جروح القلب...حرفاً.....لحرفا
الحنظله....لوهي علـى شاطـي النيـل=.....اكمالته..ماهي على الناس تخفى..!!
وانـا شربـت الهم..والجور..والـويـل=تبي اختصرها........صرت للحزن مرفى

[شماليه]

أنا مقدر أكون .. اني حبيب في بعض أحوال =أنا كلي أجي .. والا أروح بعزتي .. كلي
تخيرت الفراق وما دريت إن الفراق وصال =أقول اني نسيتك بس مدري كيف تاصل لي
خذاني لك سؤال في عيونك و الجواب محال =خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال =غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال =سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال =تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال =و لا ادري وش يجيبك في وجيه الناس واهلّي










كنت احسب اني عرفت الحب قبل اعرفك =وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك =واثري توهمت في غيرك وانا كنت ابيك

تعال نعطش وتشربني وانا اشربك =تعال قبل الوعداجلس معي نحتريك

تعال شفني وانا استناك .. كم اشبهك =يطري علي ألف راي وراي واحتار فيك

اجي مكان الوعد والا اسبقه انطرك =والا اخذ الموعد اللي يحتريك واجيك

يااخر الحب ذقت الحب في اولك =ويااول الشوق اقصى الشوق ماينتهيك

علمتني كيف اعرفك لين صرت اجهلك =ضيعتني في متاهاتك وكنت ارتجيك

حبيب الاحلام يابعدك ويامقربك =حرام يكفي تبعثرني وانا احتويك

ان شفتك بحلم صدقته وانا اتوهمك =وان شفتك بعلم كذبته الين انتشيك

اخاف اغمض عيوني وإن رمشت افقدك =واخاف افتح وتصبح حلم ولا التقيك .








رحمك الله ياطلاااااااال الرشيد......

[شماليه]

البارحه في طور..واليوم في طور=بعزف على حبل المواصل وترهـا
قربك لي الجنه..وانا وسطها حور=ويابعدهااااا جنتك.....للي شبرها!!

[شماليه]

مـدت يمينـك نور...والنـور محـذور=قـل لـي بربك...كيـف طيفـك عبرهـا
حرفـك مطر..والـدار ياصاحبـي بـور=تدري ..وانا ادري..كيف حرفك عمرها!!!

[شماليه]

مدري..ندى فجرك..او الامس ممطور !!=ياللـي همـوم القلب..حرفـه خشرهـا
ماكـن قلبـي كـان للحـزن (تـنـور)=حتـى ضلـوع الصدر..لجلـه نشرهـا
واليوم شعري..عندكم صـار محصـور=المبـتـدأ بين..وعندك..خـبـرهـا...

[شماليه]

قام يتصافق داخلي ضوح براق=عسى الهبوب الي تدرج غمامه.....
.....يسوق غيمه وانتشي معه وانساق=وان طاح وبله في ديار العدامه..
......تزهر نواويره كما وصف مشتاق=غطا خضاره نصف بيضة نعامه

[شماليه]

غطى خضاااااااااااااااره( نصف) بيضة نعامه

[شماليه]

لو ينحذف منقوش في وسط الاعماق=شطراً كتبته وسط قلبي مقامه
لذا بفصل موجز الشطر برفاق=لين اجعله وضح القمر في تمامه
اسطورة ماجت من الحرف تلفاق=هذا زمن يفرض علي( انقسامه)

[شماليه]

نصفاً....تعلى في شمووووخه ولا راق=في داخله( شيخاً.).تركى زعامه
ماضيه مثل الشمس في وقت الاشراق=معروووف للي يجهله.....من( لثامه)
(هابه ملك)...والموووت ماعنه مزراق=انشهد انه رمز عز وشهامه

[شماليه]

والنصف الاخر.....ننظره بس بشفاق=دووونه زمااااااان البين عرض سهااااااااااامه
عزااااااي......تبقى صورته وسط الاحدق=غااااالي....ويحكمه( الاسد)في نظااااامه
فيه انكسااااري ..لاطرا هم وافراق=ايييييييه انكساااري لو تزيد الملامه

[شماليه]

حنا علينا الجـار نرفـا خمالـه=ونفزع لمن جانا من الضيق دخال
والضيف يقرأ حين تبرك رحاله=عميلنا نرخص له الحال والمـال
وإن جا عدو من صديقن صبالـه=ما بات وبقلبه من البوق ولـوال
ونصبر كما تصبر رواسي حباله=ما تنهزع من وطي خافي ونعال



عبدالله العلي الرشيد

[شماليه]

هناك في داري شموخ السلاطيـن=وهنـاك ماذلـت للجـواد هامـه
فعول ربعي سطرتهـا دواويـن=من عهد حاتم لين يـوم القيامـه
"عاصرتهم" يمه على العسر واللين=حتى على" برزان" حطيت شامـه
وشفت "الجنازه" يوم هز الميادين=سيفه علـى يمنـاه زاد التحامـه
كني على عطفه بوجه المعادين=لاصحت" واجداااااه".مامن سلامه
حريبهم يشبع من الرخص والبين=يومن كلن قـام يكـرب حزامـه

[شماليه]

صباحات المطر لاهل من كفـك وجانـا ديـم=مراعيـده تتـل القلـب مـن دارك لحايلهـا
صباحات العتب لاجيت حاير بين سيـن وجيـم=تعدل بالظلـوع العـوج ثـم ارجـع واميلهـا
صباحات الطفوله لارسمت الحلم فـوق الغيـم=نسطر بالسمـاء لوحـه بنجماتـن نخايلهـا
صباحات الحروف الي تراقص يوم نادى ر ي م=تمايـل يابعـد حيـي علـى نغمـات قايلهـا
صباحات الخفوق الي يشوفك لجنـة التحكيـم=واذا مالحرف جاوبني ترى المليـون طايلهـا

[شماليه]

ا
ر
ت
ج
ا
ل
ي
ه
.
.






هاجسي...وانخاك...لاترمي المحاني=يكفي الخفاق طعناتن مهوله
إرتجل...من صافي جروحي معاني=العزيز ان طاااح....ماقام بسهوله
طعنت الغالين تحسب شي ثاني=نار تحرق بالمحاني ماتنوله
هو رماني..؟؟..اي وربي...هو رماني..؟؟=واااااه لو انه صدق بالي يقوله
وااااه ليته فكر بعقله ثواني=ماخسر قلبن عجز شخصن يطوله
افترقنا...وش بقى غير الاماني..؟؟=ودمع عينن يحتري رمشت نزوله
وكبرياء(ن )طااااح..والمه...واعاني ي=ليييييييه اكابر ....ليييييييه...؟ واللحظه مهوله!!!!

[شماليه]

الى رفيقة قلمي......غفوة عشق.





غفوة عشق..ماعاد لشعر ميراد=مات الخفوق..وجف حبر القصيده
بيني وبينك..صرت للحزن منقاد=اهييييم في دنياه..واطلب جديده
مافاد صوتي..ياغلا الريم..مافاد=تلعب بي الدنيا..على ماتريده
والي مضى..ياغفوة العشق ينعاد=(ونفس الكلام الي نقوله نعيده)

[شماليه]

وش عاد...(حزنك ياالغنادير) ..وش عاد=اكيد له..من مكر حوى...واصيده
اقسم عليه..يمرني دون ميعاد=واغلق عليه الباب..واشدّ..قيده
ثم اعتزي..في شيخ ماعنه منشاد=واصييييح يا(لمهّاد)...واقطع وريده

[شماليه]

يقول زدت الهم بالقلب ياريم=باب الحروف الموجعه عنك اصكه
مايدري ان الهم..والحزن..والضيم=بين الضلوع العوج..بين محكه

[شماليه]

شاعري..والليل يطربه الونين=يقدح احزاني..وحرفي له ضوى
بح صوتي..والامل عيا يبين=لين ماات الحلم..والحظ انزوى
معك طفله..والعب بحبل الوتين=لو يمووت القلب..او يحيى سوى

[شماليه]

وابطيت الم الحلم...واودعه صدري=واقريه وِردي..والثمه..قبل لاافيق
وامسح دمووع العين بكفوف صبري=واشرب عنى دنياي..مع فكة الريق
وابحث طوال اليوم عن شي يغري=والقى حياتي ضيق في ضيق في ضييييق

[شماليه]

كن المدى حلمي....ولك طيف شفاف=يعبر حياتي...مع ترانيم عزفي
اواااااه سبع سنين من قبلك عجاف=والي سقاها..دمع عيني...ونزفي!!

[شماليه]

إرتجاليه.....

بووح ساكن...وتغريدة الم...لايسمعها.... الا(قلبك)...وربما..(قلبها في غربتها)!!

ففيها ابحث عن اجزائي الضائعه وبقايا احلامي بالامان ....

كل عام / وهي بالرووح/ روحي






يمه/وطيفك يعانق..ضحكة مذبوحه=اشرقي خلي زماني يستعيد افراحه
مادريتي ليه انام وحسرتي مفضوحه؟=لان ذكراكي وطن..لشواقي المجتاحه
قال غالي هي يمامه..غردة في دوحه!=قلت طاااااااااارت مع طيورا بالسما صداحه
قال ثاني..ارسميها شامخه في لوحه=جيت الونها..لقيت الوانها منساحه؟؟
يمه/وحرفي تبعثر..لملمي لي بوحه=وحتويني طفل يمسح دمعته بالراحه
ليت يمه/ ليت يمه/ تسكنين بروحه=تشعلين الليل شمعه..في ظلام جراحه
قولي ان الحزن عابر..لانويت انوحه=وزرعي فيني امل...ياشمسي الوضاحه...

[شماليه]

اييييييه ياحزن الزمان...وطعنته...وجروحه=يوم تسكبني حروف.....ومالقيت الراحه
كن ياحيي..بقلبي...قصة مشروحه=طفلةٍ..بعيونها...ظلم القدر...ورماحه
سكنوها قصر شيخاً...عاليات صروحه=وزرعوا فيها الشموووخ......وماتت... التفاحه
اتعزوا....بالدموووع..بجيتي....والروحه=كني الي يعتزي....ياخوووووي...في ذباحه.

[شماليه]

لاتحسب الشوق هز القلب يارووووحي=يوم ان رجلي لكم ساقت خطاويها
ولاتحسب انك دواي وبلسم جروحي=يوم ازفر الـــ/ااااه في قربك واخليها

[شماليه]

غباء شاعره/ ترسم طيوفك على الكراس=تلون بها صبح المشاعر....وتطويها
تلوووح بكف الشوووق لامرها النسناس=غبيييه/ وطعنات الزمن...ماتربيها!

[شماليه]

تطوى هذه المساحة



الى اجل غييير مسمى



بالقلب كنتم/ وتبقووووووووون



احبكم



الشماليه

[شماليه]

نشف ريييق القلم/ والطفل/ لييييييه الطفل مايكبر؟=يشخبط مع صباح الخير همه فوق جدرانك..!!
عبث....يرسم طريقه من مداده...وان عجز يعبر=عيونه ماتطول الا النظر في علبة الوانك..!!
علييييك الله تجاوب...لامتى ظنك يبي يصبر..؟؟=وهو مل السكون/ وشاغب احزانه...على شانك...؟؟؟

[شماليه]

ويننننك.....تعبت امني الروووح بالنووووور=امد خطوات الرجا.....وقتصرها..؟؟؟؟
للعيد فرحه/ والفرح شي مغمور=وافراااح عمري...جيتك تحتصرها........؟؟؟؟؟

[شماليه]

يقول لي حكمك غلب حكم عراف=حسبي عليه شلون يجرح ويشفي
مايدري انه مرني فوق مشراف=كنه نوى من واهج الشوووق خطفي
له هييييبته/ وبداخلي طفل خواف=يسأل فهمتي شي..........واهز كتفي!!