سعيد الحمالي
06-09-2007, 01:30 AM
هامةٍ عاشت تحت ظل المهونه = جعلها للسيف ابو حدٍ محنا
من رضي بالذل "لا نامت عيونه" = يرقب حتوفه هلع منا ومنا
ومن أمن لعداه خطرٍ ينكبونه = والله اعلم بالصدور وما حونا
من تساهل للعدى مايمهلونه = العدو لو شاف غرة ما تونا
ما نوى بالخيرلو تضحك سنونه = ولو يشوفك في نعيمٍ ما تهنا
العدو هذي تواصيفه ولونه = وان تحلوا يوم في الآخر تشنّا
ولو تقرب صك باب القرب دونه = الجمال الجرب لا تقرب ظعنا
جاوبوا يا أهل الحضاره والمرونه = تشرب القفوات والا يدفقنا؟
ما استوى قدر الطهاره والعفونه = وان تساوى منّكم ماهوب منا
تمدحون الوقت والا تشتكونه = الردى في الروس ماهو في زمنا
وما يعيب الفقر يالي تلعنونه = لو رفيق الفقر في وقته تعنا
و ما ينول المجد من طبعه ليونه = والاماني غربلت منهو تمنى
قاله اللي صاغ من هجسه لحونه = باديٍ راس الطويله يوم غنا
نام يا راسي وخصمك في غبونه = الحسود الي عيونه يسهرنا
وان نوى يخلف على الدنيا ظنونه =والله انه لو تقصّى ما شحنا
والخيال اللي تعدتنا مزونه = ما نخيله عقب ماعقّب وطنا
ولا رضينا منزلٍ فيه المهونه = وإن رضينا جعلنا حد المحنا
من رضي بالذل "لا نامت عيونه" = يرقب حتوفه هلع منا ومنا
ومن أمن لعداه خطرٍ ينكبونه = والله اعلم بالصدور وما حونا
من تساهل للعدى مايمهلونه = العدو لو شاف غرة ما تونا
ما نوى بالخيرلو تضحك سنونه = ولو يشوفك في نعيمٍ ما تهنا
العدو هذي تواصيفه ولونه = وان تحلوا يوم في الآخر تشنّا
ولو تقرب صك باب القرب دونه = الجمال الجرب لا تقرب ظعنا
جاوبوا يا أهل الحضاره والمرونه = تشرب القفوات والا يدفقنا؟
ما استوى قدر الطهاره والعفونه = وان تساوى منّكم ماهوب منا
تمدحون الوقت والا تشتكونه = الردى في الروس ماهو في زمنا
وما يعيب الفقر يالي تلعنونه = لو رفيق الفقر في وقته تعنا
و ما ينول المجد من طبعه ليونه = والاماني غربلت منهو تمنى
قاله اللي صاغ من هجسه لحونه = باديٍ راس الطويله يوم غنا
نام يا راسي وخصمك في غبونه = الحسود الي عيونه يسهرنا
وان نوى يخلف على الدنيا ظنونه =والله انه لو تقصّى ما شحنا
والخيال اللي تعدتنا مزونه = ما نخيله عقب ماعقّب وطنا
ولا رضينا منزلٍ فيه المهونه = وإن رضينا جعلنا حد المحنا