سعد بن مناحي بن شفلوت
19-09-2007, 02:57 AM
تحيه طيبه
اشكر الاخ الشاعر /خليل على الدعوه الكريمه
واتمنى ان تجد هذه المتواضعه القبول والرضى
‘‘ ‘‘ ‘‘ ‘‘
ياهاجسي عـز الله انـي مانويـت=اشغلك فـي الدنيـا وفـي غاوينهـا
لكن انا لاضاق صـدري مانخيـت=الا انت وجـزال البيـوت وزينهـا
وان قامت الفكره توارد بيـت بيـت=حق ٍ علـي اتعـب علـى تكوينهـا
بعد الزمن ذكّرني اللي قـد نسيـت=وذكرتهـا واصحابـنـا ناسينـهـا
وضاعت جميع حلومي اللي قد بنيت=وضاعت جهود اللي معي بانينها!
قـام يتغيّـر كـل شـي ٍكمبلـيـت=في عملـة الدنيـا وفـي وجهينهـا
وانا قبل مااشوف واسمـع ماهقيـت=ان الشيم ترخـص علـى شارينهـا
لين اكتشفت اني زعلت ولارضيـت=بالحالـه اللـي كلهـم راضينـهـا
وانا مع اهل العرف قد بعت وشريت=وخاويت في يسـار الديـر ويمينهـا
واخذت حق امع الرياجيل وعطيـت=وعشت بقسى الدنيا وعشـت بلينهـا
وعاهدت من عاهدت بالصدق ووفيت=غصب ٍ على زين الضروف وشينها
وتعبت من شانه مع الوقت وشقيـت=لاجل اوفـي الكيلـه مـع موفينهـا
واليوم كني مادريـت انـي دريـت=وذنـوب ميّتهـا عـلـى حيّينـهـا
بس الوكاد انـي لقيـت او مالقيـت=مابعـت نفسـي للضـروف تهينهـا
مااعامل بتكفى ولا اسـوم بياليـت=مـن شالتـه دنيـاه فـي كفّينـهـا
يوم ان ولد الهاص مع بنت السبيـت=يحفـظ مباديهـا ويتـبـع دينـهـا
وخذته عزة الاثم يوم انـي خذيـت=ماتفرضـه كرامتـي فـي حينـهـا
لاني على العليـا تربّيـت ونشيـت=ماعشـت اخفّيهـا وهـي يابينـهـا
لين انكشف وانا مـن اول ماهقيـت=انـه يباريـهـا ويلـطـم عينـهـا
وســـلامتكم
اشكر الاخ الشاعر /خليل على الدعوه الكريمه
واتمنى ان تجد هذه المتواضعه القبول والرضى
‘‘ ‘‘ ‘‘ ‘‘
ياهاجسي عـز الله انـي مانويـت=اشغلك فـي الدنيـا وفـي غاوينهـا
لكن انا لاضاق صـدري مانخيـت=الا انت وجـزال البيـوت وزينهـا
وان قامت الفكره توارد بيـت بيـت=حق ٍ علـي اتعـب علـى تكوينهـا
بعد الزمن ذكّرني اللي قـد نسيـت=وذكرتهـا واصحابـنـا ناسينـهـا
وضاعت جميع حلومي اللي قد بنيت=وضاعت جهود اللي معي بانينها!
قـام يتغيّـر كـل شـي ٍكمبلـيـت=في عملـة الدنيـا وفـي وجهينهـا
وانا قبل مااشوف واسمـع ماهقيـت=ان الشيم ترخـص علـى شارينهـا
لين اكتشفت اني زعلت ولارضيـت=بالحالـه اللـي كلهـم راضينـهـا
وانا مع اهل العرف قد بعت وشريت=وخاويت في يسـار الديـر ويمينهـا
واخذت حق امع الرياجيل وعطيـت=وعشت بقسى الدنيا وعشـت بلينهـا
وعاهدت من عاهدت بالصدق ووفيت=غصب ٍ على زين الضروف وشينها
وتعبت من شانه مع الوقت وشقيـت=لاجل اوفـي الكيلـه مـع موفينهـا
واليوم كني مادريـت انـي دريـت=وذنـوب ميّتهـا عـلـى حيّينـهـا
بس الوكاد انـي لقيـت او مالقيـت=مابعـت نفسـي للضـروف تهينهـا
مااعامل بتكفى ولا اسـوم بياليـت=مـن شالتـه دنيـاه فـي كفّينـهـا
يوم ان ولد الهاص مع بنت السبيـت=يحفـظ مباديهـا ويتـبـع دينـهـا
وخذته عزة الاثم يوم انـي خذيـت=ماتفرضـه كرامتـي فـي حينـهـا
لاني على العليـا تربّيـت ونشيـت=ماعشـت اخفّيهـا وهـي يابينـهـا
لين انكشف وانا مـن اول ماهقيـت=انـه يباريـهـا ويلـطـم عينـهـا
وســـلامتكم