المساعد الشخصي الرقمي

مشاهدة النسخة كاملة : احـيـان ؟ و احـيـان ؟


مهدي الحبابي
21-09-2007, 04:13 PM
بدون اي مقدمات رضاكم هو هـدفي


ما بين هاجوسِِ وهـقوه وقيفـان = وروا بع ما هي تهـاب الـمـنــايا
سارت بي الخطوه وانا شبه ضمـيان = سبة كلامِِ يجـتول فـالحـنـايـا
علمِِ يخلي صافي الفكـر حــيـران = من ما يشوفه من زبون الحكايـا
اللي ما بين الـناس ناقص وله شان = صفا له المشـرب وحنا ضمـايـا
واليـوم جاله بين خـلق الله ألسـان = يذبح ويصلخ والفعـايل خطايـا
أحيان مرتاح ومبـسـوط وأحـيان = هـمي وهاجوسي تسوي سوايـا
وأحيان بين الخـوف ودروب الأمان = نمـشي بفـضل الله بكل النحـايا
ونحـقـق الأحـلام مع جور الأزمان= ولو كانوا الاخصام جيش وسرايـا
نضرب على الكايد ونجزي بالإحسان = المسـتحـق اللي عـلومه مزايـا
ونـدري بـأن للعمر رحله وديـان = ولا بـد يــدني والـنوايا مطايـا
وكـلِِ يحصل ما عمل سر وإعـلان = في لحظـةِِ فيها الخلايـق عرايـا

خليل بن هدلان
21-09-2007, 04:29 PM
ابو نواف


صح لسانك واعتلا شانك


درر من الحكم والامثال


كل بيت عن قصيده


لله درك

عبدالله بن غفره
21-09-2007, 09:50 PM
صح الله لسانك يابو نواف


قصيدة رائعه وتعانق سماء الإبداع جزالةً وقوه



الف شكر لك ولتواصلك الطيب

عبدالله ابن شايع الزهيري
21-09-2007, 10:17 PM
مهدي


بيض الله وجهك يانقي


وافيه وأنت وافي لاعدمناك



الله يرعاك

حسين العبدي
22-09-2007, 05:42 PM
ارحب يامهدي



انت كل الاحيان وافي


وقصيدك ذرب

عبدالله ماجد المنصوري
23-09-2007, 01:28 AM
وكلِِ يحصل ما عمل سر وإعلان-------في لحظةِِ فيها الخلايق عرايا
مهدي الحبابي 0
بوح صادق قصيده جزله
لك تقديري 0

مهدي الحبابي
04-10-2007, 07:34 AM
أخوي ابو نواف خليل بن هدلان

صح بدنك وبيض الله وجهك

شرفني مرورك ورايك

لك فائق احترامي وتقديري

عبدالله المهداني
04-10-2007, 02:53 PM
الله الله الله يابو نواااااف


ابداااااع منقطع النظير


بيض الله وجهك يا كحيلان


تحياتي

مهدي الحبابي
20-11-2007, 11:43 PM
أخوي عبدالله بن غفره

صح بدنك وبيض الله وجهك

شرفني مرورك ورايك

لك فائق احترامي وتقديري

هادي بن عسكر
20-11-2007, 11:56 PM
الشاعر مهدي الحبابي



صح لسانك يالحبابي




نص رائع من شاعر مبدع




لك تقديري

النـجلاء
21-11-2007, 02:22 AM
اخي الكريم مهدي

قصيدة رائعة

صح لسانك لاهنت

مطلق بن راشد القعيمه
21-11-2007, 05:19 AM
مهدي الحبابي

صح لسانك مدد ولاهنت

قصيدة وافية من وافي

تقبل مروري وتقديري

دمت بخير

.

مهدي الحبابي
25-11-2007, 11:55 PM
أخوي ابو شايع

سلمت ودمــت

شرفني مرورك ورايك

لاخــلا ولاعـــدم

لك فائق احترامي وتقديري