هادي بن عسكر
22-09-2007, 04:49 AM
ارجو ان تقبلوا هذه الابيات من باب التواصل
المرجله ماهي تجـي بالمنـاوي=ولاهي بتشرى بالذهب والدنانيـر
ولاهي تهيا للضعيـف الدنـاوي=اللي يصد ليا لفـوه الخطاطيـر
ولاهي وراثه قسمـة بالتسـاوي=ولاحاشها رجلٍ بسيـره معيثيـر
واللي ينقل قاصـرات الحكـاوي=مجٌنبٍ درب الرجـال المناعيـر
هذاك جعله من وطنـا جـلاوي=امٌـا وراء الانبـار والاٌ بغاديـر
يحوشها قرم على الطيب قـاوي=مثل الزناتي او مثل سالم الزيـر
فكاك ربعه في نهـار العـزاوي=فزعة ربوعه لاحصل فيه تغيير
من دون ربعه كنه الذيب ضاوي=ماينثني مـن دونهـم بالمعاذيـر
والاٌحكيم الراي مثـل الخـلاوي=صبٌار في وقت الدهر والمعاسير
ويحوشها منهو يحـل الدعـاوي=لاكبرت القاله وصارت مزابيـر
لانشفن الاريـاق دون الشفـاوي=يرسي ولو زادت عليه الاعاصير
كريم سبلاء مربحن الشـواوي=يذبح من الحيران وابله على ضير
وبيته لعصمان الشوارب مـلاوي=مع الشحـم وملقمـات المباهيـر
والعود الازرق خنته ريح جاوي=مشراه غالي ماحسب للمخاسيـر
وانا احمد الله وارديـن الهقـاوي=ادنى بني عمي براسه سعاطيـر
هواجر تروم روس العلاوي=في حزة الهدات تحمي المظاهير
وهواجر ينوخون العداوي=من فعلهم تشبع ذياب مساعير
وقحطان فزعتنا نهار البلاوي =هم درعنا اللي يفرقون الطوابير
وكلٍّ على طيبه وفعلـه ينـاوي=امدح ربوعي وما تعرضت للغير
قلته وانا عبـد بربـي رجـاوي=يغفر ذنوبي في نهار المحاشيـر
وصلاة ربي عد نبت المطـاوي=على رسول فسر الديـن تفسيـر
وسلامتكم
المرجله ماهي تجـي بالمنـاوي=ولاهي بتشرى بالذهب والدنانيـر
ولاهي تهيا للضعيـف الدنـاوي=اللي يصد ليا لفـوه الخطاطيـر
ولاهي وراثه قسمـة بالتسـاوي=ولاحاشها رجلٍ بسيـره معيثيـر
واللي ينقل قاصـرات الحكـاوي=مجٌنبٍ درب الرجـال المناعيـر
هذاك جعله من وطنـا جـلاوي=امٌـا وراء الانبـار والاٌ بغاديـر
يحوشها قرم على الطيب قـاوي=مثل الزناتي او مثل سالم الزيـر
فكاك ربعه في نهـار العـزاوي=فزعة ربوعه لاحصل فيه تغيير
من دون ربعه كنه الذيب ضاوي=ماينثني مـن دونهـم بالمعاذيـر
والاٌحكيم الراي مثـل الخـلاوي=صبٌار في وقت الدهر والمعاسير
ويحوشها منهو يحـل الدعـاوي=لاكبرت القاله وصارت مزابيـر
لانشفن الاريـاق دون الشفـاوي=يرسي ولو زادت عليه الاعاصير
كريم سبلاء مربحن الشـواوي=يذبح من الحيران وابله على ضير
وبيته لعصمان الشوارب مـلاوي=مع الشحـم وملقمـات المباهيـر
والعود الازرق خنته ريح جاوي=مشراه غالي ماحسب للمخاسيـر
وانا احمد الله وارديـن الهقـاوي=ادنى بني عمي براسه سعاطيـر
هواجر تروم روس العلاوي=في حزة الهدات تحمي المظاهير
وهواجر ينوخون العداوي=من فعلهم تشبع ذياب مساعير
وقحطان فزعتنا نهار البلاوي =هم درعنا اللي يفرقون الطوابير
وكلٍّ على طيبه وفعلـه ينـاوي=امدح ربوعي وما تعرضت للغير
قلته وانا عبـد بربـي رجـاوي=يغفر ذنوبي في نهار المحاشيـر
وصلاة ربي عد نبت المطـاوي=على رسول فسر الديـن تفسيـر
وسلامتكم