المساعد الشخصي الرقمي

مشاهدة النسخة كاملة : من لايحـصل من ذراعه نجـد // شربه على ايدين الرجال هماج

محمد بن سالم الخنفري
14-12-2010, 02:19 AM
بسم الذي رسـى بحـر وامـواج=واراض واجبال وسماء وابـراج

ابدا بذكره جل شانـه وعظمتـه=سبحان قاضي حاجـة المحتـاج

اوحى النبيـه بالرسالـه وأمنـه=فـي ليلـة الآسـراء والمعـراج

لرضاه صلينـا وصمنـا ولجلـه=دفـع الزكـاه وحجـة الحجـاج

والعبد فـي الدنيـا يعـد مسافـر=مهما علـى ظهـر البسيطـه داج

يزرع وفي ساع الحصاد يواجـه=فـي الاخـره حصيلـة الانتـاج

يالله يالمعبـود تغفـر ذنـوبـي=يلـي بيـدك الضيـق والآفـراج

ونك توفقني علـى طيـب نيتـي=في سيـرة المدخـال والمخـراج

وانك تمشيني على افضل سيـره=واذا كسبـت ارضـاك مايحتـاج

لو يقبـل الليـل الظليـم بظلمتـه=لابد مـن نـور السفـر ينبـاج

خضت التجارب والتجارب مدرسه=في دربها حطيـت لـي مسهـاج

صبرت مع ذاك الطريق القاسـي=ليـن استوالـي دربـه المنعـاج

والرجل من ضلعه وقـوّّّّّّ ازنـوده=والاّ عليـه الطيـر حـام وراج

قال المثل ياعارف معنـى المثـل=لاطـوّل المشـوار والمنـهـاج

ملاّ يحصل مـن ذراعـه نجـده=شربه من يدين الرجـال همـاج

والجود واسلومه وطيب اعلومـه=تبقى علـى روس النشامـا تـاج

الطيـب كايـد والسنافـي كايـد=ياكود مـن سمـي علـى هـداج

عد(ن) وروده مايصدر ضامـي=يروون جاو اجمـوع والاّ ازراج

طيب النبا نور(ن) علـى كسابـه=نوره ضياء ماهوب نور اسـراج

بيت المعزه عامـر(ن) بمجـاده=نـاره سناهـا دايـم(ن) وهـاج

في المجلس المسمي ثلاث لابدهـا=على الردي منها قسـى واحـراج

الاوله ترحيبة(ن) تبري العمـس=لو الصدر فيـه الهمـوم افـواج

والحلف قبل الضيف يسبق بدينـه=وامقابل(ن) طيّب وضحك احجاج

والثانيه كيف النشامـا اذا استـو=اللطيبـيـن الغانمـيـن مــزاج

سواه من يعرف اقياسه وصبتـه=فنجـال بنّـه للمريـض اعـلاج

والثالثه سوالف(ن) تبهج الصـدر=طرايف(ن) حلوه بـدون ازعـاج

من عاقل(ن) ربعه تقـدر كلمتـه=ماقاطعـه لاسولـف الـهـراج

هذي لهـا عنـد النشامـا قيمـه=تحفـظ بعالـي منـزل الآبـراج


للشاعر / سالم بن محمد بن وحيـر
محمد بن سالم الخنفري
14-12-2010, 08:46 PM
بعض العرب حبه يوردك الجنون
ولا يوصف له غلاه حكاك له


مايقنعه وصف الغلا لو وش يكون
لو كل حرف بالحرير يحاك له


الموت جاك وهو تقلبه الظنون
ولا لك الا الصبر وش وداك له


ان قلت ضايق قال هونها تهون
يدري ان ضيقتك له وبكاك له


تقعد تحبه وانت ساكت ومغبون
كن بيوم يقال له مااوفاك له


وكانك مشكك هو يمون او ما يمون
تخيل ان عفت الصبر فرقاك له


غلاه وهو فوق الغلا ماهوب دون
وحكاه سمعك يجبرك بارخاك له


ودك تحطه في العيون من العيون
وتبسط على رمضا الثرى يمناك له


وتظله من الشمس في ظل الجفون
ولا يمر اذنه سوى لباك له


وتسج من غيره لو انهم يذكرون
ومنين ماسجت القدم ممشاك له


غرو يميله الترف ميل الغصون
غصن ليان ومكرمه باسقاك له


جديله الى اقفى ستر منه المتون
كني بريحه لاألتفت لأدعاك له


كيك وعسل لكن ماهو في صحون
ودعا ك من عين الحسود غطاك له


الله لايعطيه ناس ينضلون
ويستر علية من النحل لا ياكله


الوصف والتعبير في وصفه يخون
غير اطلب الله يستجيب دعاك له


وعذال قلبك في محبته يهبون
سكينهم عن قطع حبله حاكله


ناس عن اعراض العرب مايعرضون
ودايم على نفس الشكل والشاكله


اللي من لحوم الاوادم ياكلون
وحلوقهم دفع البلا متواكله


في سلمهم اولى بالاكل الاقربون
واطيبهم اللي صيدته شكواك له


عازمهم الشيطان للذنب ويجون
هذا يقطع له وذاك يواكله


ياجعلهم فدوة ثرا الغض الفتون
اللي على الدرب الطويل خطاك له


طيفه الى نام البشر زارك بهون
وطيفك الى نام البشر سراك له


حبه دفان ومقبرة خضر الطعون
بين العظام العوج كنك ناكله


اللي كذا.. حبه لو تموت مغبون
ولا لك الا الصبر وش وداك له


محمد بن فطيس
محمد بن سالم الخنفري
15-12-2010, 10:59 AM
انا وين ابلقا يالاجاويد فاعل خير = حريص على سر المحبين لارسلته
من اول لو اصبر عام مابان بي تأثير = والحين حتى صبر يومين ماحتلته
انا مثل صقار تولع بحب الطير = ولف قلبه فروخ الشياهين وهبلته
تولعت في فرخ قضيب يتل السير=ابي نظرة من لفتته الحر وسبلته
صغير بسنه غير عندي ماهوب صغير = يمغلاه في قلبي وياكبر منزلته
اجمع له سمان الهرج خوف من التقصير=ولاجيت ابشرح له كلامي تهيزلته
(( يجيني منه هيبه .. معزه .. سحى .. تقدير = اقابله عندي علم .. واروح ماقلته ))
محمد بن سالم الخنفري
20-12-2010, 05:59 PM
انا لى بغيت اسج وانسى من اللـي فـات=نصيت الطويل اللى طمومـه تبيـن لـي
اذبـه ولـى ذبيـت جريـت بالـونـات =اجـر الونيـن ويحسبونـه علـى خلـي
على درع جنبي راح بـه هـادم اللـذات =تخاويت انا والحزن ما هـو بشـف لـي
وذي سالفة الاقدار لاجت مـن الله جـات =تصبـر ومـن حبيـت صيـوره مولـي
قالوا لي مريض ورحت ازوره وقالوا مات =عسى جنة الفردوس من حيث هـو حلـي
عمايـر امريكـه ثمنـوهـا بملـيـارات =وانا روعتي في خوي ملـي يثمـن لـي
على طول عمره ما بعد فـرح الشمـات =أخوي الكبيـر وغـادي كنـه عبـد لـي
وياليتني عنـده معـه بآخـر اللحظـات =ابسمع وصاتـه وادري ان القـدر حلـي
فلا ياوجودي شاب راسي من الروعـات =وتكفون ياهل العرف من عنـده دوا لـي
محمد بن سالم الخنفري
02-01-2011, 04:41 AM
ياعشير عذبتني طواريّه = وان بغيت اتركه والله ماجالي
صاحبي عند العرب قلت ماليبه = وان صدفني بالخلا فز له بالي
صاحبي ياناس من حبي ربي له = لانزل في وادي ممحل(ن) سالي
محمد بن سالم الخنفري
15-01-2011, 07:38 AM
وجودي عليهم وجد من حطو فيده قيد = وجاه البيان من الوزاره يقصونه
تذكر هله والطرش وربع نهار العيد = وجر الونين وحاير الدمع بعيونه
وسجل وصاته يوم كثر من التشهيد = وقال لهل العنبر لزوم يبيحونه
ـ ـ ـ ـ ـ ـ ـ ـ ـ ـ ـ ـ = ـ ـ ـ ـ ـ ـ ـ ـ ـ ـ ـ
من قل ماله قامت الناس منه تحيد = ومن كثر ماله قاموا الناس يغلونه
محمد بن سالم الخنفري
15-01-2011, 07:47 AM
يا من هواه أعزه وأذلني=كيف السبيل إلى وصالك دلني
وتركتني حيران صبّا هائم=أرعى النجوم وأنت في نوم هني
عاهدتني ألا تميل عن الهوى=وحلفت لي يا غصن ألا تنثني
هبّ النسيم ومال غصن مثله=أين الزمان وأين ما عاهدتني
جاد الزمان وأنت ما واصلتني=يا باخلاَ بالوصل أنت قتلتني
واصلتني حتى ملكت حشاشتي=ورجعت من بعد الوصال هجرتني
لما ملكت قياد سري بالهوى=وعلمت أني عاشق لك خنتني
ولأقعدن على الطريق فأشتكي=في زي مظلوم وأنت ظلمتني
ولأشكينك عند سلطان الهوى=ليعذبنك مثل ما عذبتني
ولأدعين عليك في جنح الدجى=فعساك تبلى مثل ما أبليتني

قصيدة الامآم / سعيد بن احمد بن سعيد (مؤسس الدولة البوسعيديه)
محمد بن سالم الخنفري
17-01-2011, 07:48 PM
http://www.tarb.net/uploads/singers/tarb-net-alboom-a3thab-al-aswat.gif
اعذب الاصوات - السيل - محمد الخنفري (http://www.tarb.net/song_listen_86334_1.html)
طرب نت الإسلامي (http://www.tarb.net)
محمد بن سالم الخنفري
14-02-2011, 04:19 PM
تم التعديل في القصيده


الصاحب اللي مسكنه يمه الرين = عزي لحالي ياحسن عقب فرقاه

لامن عبر طيفه على رمشه العين = هلت دموعي مثل سيل بمنحاه

انا على حالي من شهور واسنين = قلبي ينادي ياحسن غير موحاه

القلب يكفخ مثل كفخ الشياهين = تبغي تصيد ولا لقت ماتعشاه

اسمع وصاتي ياحسن قبل مايحين = موت الرفيق اللي حبيبه تناساه

لاجا نهار وبدل الزين بالشين = وعزوك فمحمد وجا القبر ملفاه

اجهد على وصله وذكره شيين = ( حبٍ جفاه ) .. ( وصاحبٍ كان يبغاه )
محمد بن سالم الخنفري
19-02-2011, 06:12 AM
انا من كثر ماجر صوتي غدا مبحوح = اعاتب فوادي لن صوتي تحت طوعه
وقلبي عنيد وماغبا داخله مفضوح = ليا من سترت الحب ولع لي شموعه
محمد بن سالم الخنفري
09-03-2011, 03:04 AM
على خير اشوفك كان حنا من الحيين = مصير الليالي تجمع الحي مع حيّه
ترى البعد بعد القلب ماهوب بعد العين = ليا صار من وادعك يوعدك بالجيّه
تموت القلوب الخاليه بين زين وشين = وتبقى القلوب اللي على الحب مبنيّه
محمد بن سالم الخنفري
11-03-2011, 11:18 PM
http://www.youtube.com/watch?v=H10D58kL72s&feature=related
محمد بن سالم الخنفري
19-04-2011, 12:48 AM
يالطيف الروح ماعاد لي صوبك لزوم = من يجنب عن لقانا نجنب عن لقاه
انا حظي في محبتك عيا لايقوم = كل ماجيت انهضه طاح مدري وش بلاه
والله اني داري ان حب مثلك مايدوم = الشراكه في طريق الهوا تلعن ثواه
كان تسمع في غيابي سواليف الرخوم = لعنبوتس الحب يابنت ماهو ذا السواه
والله انك كنت طيب وغالي ومحشوم = اما بعد اليوم حبك تحطم مستواه
محمد بن سالم الخنفري
23-09-2011, 03:29 PM
ياذا الحمام اللي سجع بلحون
وش بك على عيني تبكيهــــا
ذكرتني عصرمضى وفنون
قبلك دروب الغي ناسيهــــــا
اهلي يلوموني ولا يدرون
والنار تحرق رجل واطيهـــــــا
لا تطري الفرقى على المحزون
ما اداني الفرقى وطاريهــــــا
اربع بنا جر في يد المزيون
توه ضحي العيد شاريهــــــــا
عمره ثمان مع عشرمضمون
مشي الحمام الراعبي فيهـا
يامن يباصرني انا مفتون
روحي ترى فيها الذي فيهـــا
محمد بن سالم الخنفري
17-10-2011, 01:22 AM
ياعديل الروح تكفى لاتروح = ابن سالم حالته يرثا لها
طول ليله ساهرن كله ينوح = ود عينه بالكرى ماجالها



من كلماتي
محمد بن سالم الخنفري
18-02-2012, 01:20 AM
انا ياحبيبي يوم اجي داركم واروح = ترى مقصدي والله تبي شوفتك عيني
محمد بن سالم الخنفري
18-02-2012, 04:16 PM
لامتى ياضيقة الصدر ماتســــــــــــــــــــــــتأذنين
والله أن ماعاد لك من ورى صدري لزوم


تاكلين الحال ماسلم منه شـــــــــــــــــــــــبر لين
انفرى قلب ونفذ صبر وانهارت عــــــــــزوم


فعلك بقلـــــــــــــــــــــــبي كذا كن لك وراي دين
والله انه شي في قوم ماتفـــــــــــــــــــــــــعله قوم


والحزن ينشاف مايســـــــــــتره وجه الحزين
كيف يستر والتعب واضح به والهــــــــموم
محمد بن سالم الخنفري
20-02-2012, 06:18 AM
فمان الله يافرسان ,,

باغيب عنكم ايام ,, دعواتكم


ارق التحايا