ناصر عوض القحطاني
06-10-2007, 05:10 PM
محاورة قبل اشهر بيني وبين الشاعر الكبير مضواح ابن شتوي في زواج الشاعر سلطان ابو ديه وفي نهاية المحاورة يتدخل طويق الجنوب الشاعر الكبير سعيد ابو ديه لانهاء المحاورة
=مضواح
يا سلامي عد برقٍ في خياله=هل وبله من مزون العقربيه
والسواني تندرج فوق المحاله = يا كبر حضي يوم إن ناصر هنيه
=ناصر
مرحباً بك في محل اهل الشكاله = الرجال أهل السلوم الاوليه
يابن شتوي كل تاجر من رياله = كيف ما قبلت والنيه مطيه
=مضواح
لا ترحب بي وانا عندي وكاله = خلها بيني وبينك عالميه
يوم ناصر راح في الديره لحاله = ويش عذره بعد ما فارق خويه
=ناصر
الشهر يا صاحبي بين هلاله = والوكاله ما تمشيها عليه
كل رجلٍ يا عميلي حسب فاله=لا تخصص في الامور الداخليه
=مضواح
إنشد أصحاب السعادة والعداله = وإن لقيت العلم تلقا قابليه
الجهيمي يمدحونه في حماله = وأنت عندك يا ولد عشرين نيه
=ناصر
ابن شتوي يا آل حازب وش طراله = ما درى ان السيف عم الحضرميه
يحسب اني أخوه والا اصغر عياله = والجهيمي واحدٍ كفه صخيه
=مضواح
ما طرالي كون شيٍ ينعناله = ذمتي من بعدها منك بريه
الخوي اللي نبي نلقا بداله=محزمه فاضي ولابه بندقيه
=ناصر
الجهاله ما تزيد الا جهاله = أبلشونا مدعين العبقريه
لو كتبنا ما عرفت ايش الرساله=دفها توك على هذي وذيه
=مضواح
العماني ما يحب الا صلاله = والسعودي ميتٍ بأبها البهيه
ناصر اللي قام يعثى في حلاله=بقي له في جعبته ربع الوقيه
=ناصر
العماني لقي له عفشٍ وشاله = والحساوي في الحساء عينه قويه
قدم اليمنى ولا قدم شماله =لا تساومني على ذيك القضيه
=مضواح
العماني الله أعلم وش بقااله = شل له حملٍ مثل هضبة طميه
والزميل اللي يعذرب في الزماله = عندنا له مسكتينٍ مخلبيه
=ناصر
لا تطول في حبالك بالطواله =ما بقا لك عند شخصي مقدريه
يا عميلٍ ما يعرف الا العماله =والله اني مادريت انك كذيه
=مضواح
الزناتي وبن غانم وبن خاله= ترجموها فالحروف الابجديه
وانت يا ناصر يلا له يلا له = جر صوتك بالحون السامريه
=ناصر
ناسيٍ مضواح عن ماضيٍ مضاله = بين منفوحه وحي العقربيه
بالنيابه يا حبابي بالاصاله =انت يا مضواح حمال الاسيه
=مضواح
انت مثلك واحدٍ عنده بقاله = وان نشدته قال وأبشر بالحذيه
العبيدي شاعرٍ راسه هلاله=شاب والدنيا مثل ماهي هيه
=ناصر
التجاره مرجله والا انت عاله = عند بيت الراجحي ماسك زويه
والعبيدي طيعيني خله لحاله=قبل ما تسري وفي جيبك هديه
=مضواح
ما نسيها كلمةٍ قد قلتها له = الله اكبر عالجهل والجاهليه
والهديه شالها داخل حثاااله =ويتقلب بين شمس وبين فيه
=ناصر
ابن شتوي راسه اكبر من عقاله = والله انا ما نحب العنصريه
والرجل ما يشبعه مخرج خلاله = وانت مثل اللي مصر عاللخطيه
=مضواح
الله اكبر وش فيك من الخباله = والعقال مقيدٍ ذيك المطيه
=سعيد
يا اخويانا ما بقا غير الجماله = والزمان بخير والذمه بريه
بيض الله وجيهكم في كل حاله = يا هل الوقفات وعزومٍ قويه
[/quote]
=مضواح
يا سلامي عد برقٍ في خياله=هل وبله من مزون العقربيه
والسواني تندرج فوق المحاله = يا كبر حضي يوم إن ناصر هنيه
=ناصر
مرحباً بك في محل اهل الشكاله = الرجال أهل السلوم الاوليه
يابن شتوي كل تاجر من رياله = كيف ما قبلت والنيه مطيه
=مضواح
لا ترحب بي وانا عندي وكاله = خلها بيني وبينك عالميه
يوم ناصر راح في الديره لحاله = ويش عذره بعد ما فارق خويه
=ناصر
الشهر يا صاحبي بين هلاله = والوكاله ما تمشيها عليه
كل رجلٍ يا عميلي حسب فاله=لا تخصص في الامور الداخليه
=مضواح
إنشد أصحاب السعادة والعداله = وإن لقيت العلم تلقا قابليه
الجهيمي يمدحونه في حماله = وأنت عندك يا ولد عشرين نيه
=ناصر
ابن شتوي يا آل حازب وش طراله = ما درى ان السيف عم الحضرميه
يحسب اني أخوه والا اصغر عياله = والجهيمي واحدٍ كفه صخيه
=مضواح
ما طرالي كون شيٍ ينعناله = ذمتي من بعدها منك بريه
الخوي اللي نبي نلقا بداله=محزمه فاضي ولابه بندقيه
=ناصر
الجهاله ما تزيد الا جهاله = أبلشونا مدعين العبقريه
لو كتبنا ما عرفت ايش الرساله=دفها توك على هذي وذيه
=مضواح
العماني ما يحب الا صلاله = والسعودي ميتٍ بأبها البهيه
ناصر اللي قام يعثى في حلاله=بقي له في جعبته ربع الوقيه
=ناصر
العماني لقي له عفشٍ وشاله = والحساوي في الحساء عينه قويه
قدم اليمنى ولا قدم شماله =لا تساومني على ذيك القضيه
=مضواح
العماني الله أعلم وش بقااله = شل له حملٍ مثل هضبة طميه
والزميل اللي يعذرب في الزماله = عندنا له مسكتينٍ مخلبيه
=ناصر
لا تطول في حبالك بالطواله =ما بقا لك عند شخصي مقدريه
يا عميلٍ ما يعرف الا العماله =والله اني مادريت انك كذيه
=مضواح
الزناتي وبن غانم وبن خاله= ترجموها فالحروف الابجديه
وانت يا ناصر يلا له يلا له = جر صوتك بالحون السامريه
=ناصر
ناسيٍ مضواح عن ماضيٍ مضاله = بين منفوحه وحي العقربيه
بالنيابه يا حبابي بالاصاله =انت يا مضواح حمال الاسيه
=مضواح
انت مثلك واحدٍ عنده بقاله = وان نشدته قال وأبشر بالحذيه
العبيدي شاعرٍ راسه هلاله=شاب والدنيا مثل ماهي هيه
=ناصر
التجاره مرجله والا انت عاله = عند بيت الراجحي ماسك زويه
والعبيدي طيعيني خله لحاله=قبل ما تسري وفي جيبك هديه
=مضواح
ما نسيها كلمةٍ قد قلتها له = الله اكبر عالجهل والجاهليه
والهديه شالها داخل حثاااله =ويتقلب بين شمس وبين فيه
=ناصر
ابن شتوي راسه اكبر من عقاله = والله انا ما نحب العنصريه
والرجل ما يشبعه مخرج خلاله = وانت مثل اللي مصر عاللخطيه
=مضواح
الله اكبر وش فيك من الخباله = والعقال مقيدٍ ذيك المطيه
=سعيد
يا اخويانا ما بقا غير الجماله = والزمان بخير والذمه بريه
بيض الله وجيهكم في كل حاله = يا هل الوقفات وعزومٍ قويه
[/quote]