شعر من زمن آخر !!

[ناصر السحيمي]

سرّك دفين . . و امري لله بـ اخبيه = حتى علـــى عمري اذا كان ودّك

لكن على فكــــره .. بقى فيه تنويه = ماضي فرض نفسه .. توّقع يهدّك

[ناصر السحيمي]

تبقى حبيبي لــــو انا مـــــــو حبيبك = كم لي احبك يا حبيبـــــي و لا جيت

اكبر قهر .. لو صرت مانــي نصيبك = مليت يا كلي مـــــــن الصـبر مليت

عذرك نصيبك .. مو بكيفك .. يصيبك = عطني بعد عذري اذا كنت بك ميت

[ناصر السحيمي]

يا نفسي خابر عزّتك .. ما تهونين
دروب الردى ما لك عليها مواطي
تبقين في عزّه .. و مهمـا تكونيـن
ابدى علي من كل هايـف و واطـي
و اللي وضعك بداخلي مـا تخونيـن
حتـى و لـو حُـلّـت قـيـود ارتبـاطـي

يا نفسي خابر عزّتك .. ما تهونين
دروب الردى ما لك عليها مواطي
تبقين في عزّه .. و مهمـا تكونيـن
ابدى علي من كل هايـف و واطـي
و اللي وضعك بداخلي مـا تخونيـن
حتـى و لـو حُـلّـت قـيـود ارتبـاطـي

يا نفسي خابر عزّتك .. ما تهونين
دروب الردى ما لك عليها مواطي
تبقين في عزّه .. و مهمـا تكونيـن
ابدى علي من كل هايـف و واطـي
و اللي وضعك بداخلي مـا تخونيـن
حتـى و لـو حُـلّـت قـيـود ارتبـاطـي


يا نفسي خابر عزّتك .. ما تهونيــن
دروب الردى ما لك عليها مواطــي

تبقين في عزّه .. و مهمـا تكونيــــن
ابدى علي من كل هايـف و واطـــي

و اللي وضعك بداخلي مـا تخونيــن
حتـى و لـو حُـلّـت قـيـود ارتبـاطـي

[ناصر السحيمي]

هيه ياللي ناوي (ن) ترحــل بعيد = خذ معاك اللي بغيته و انســـحب

ما تعرف اني على الشده شــديد = عزّتي اعلى من اطراف السحب

[ناصر السحيمي]

يثور الشك من بين الظنـون و هاجس المرتاب = و يفزع نايمٍ من مــــــرقده و السبّه احــــلامه
طغت و استفحلت سموم الفكر بين ناب و ناب = و تشجّع خايـــــفٍ يسمع عن الكاتب و اقلامه
صدى ذمة بشـر ما عادت ذا الفتره تفج كتاب = مدري كســــــل و الا أثر غزوٍ غزانا بافلامه

[ناصر السحيمي]

يـا ناشـد عـنّـا مطـاريـف الاوبــاش = جاتك ردودي عاجـلٍ غيـر آجـل

حنا بني مسحم و أنتم بني لاش = يالـلـي تـعــدون الـرخـامـه مـراجــل

[ناصر السحيمي]

المجتـمـع بـيـن انتكـاسـه و دجّـــه = و الوضع ما له حل يا كود حاجه

ان المـره تـعـرف حـقـوق المـوّجـه = و ان الـمـوّجـه لا يـزيــد انـعـواجــه

الـبـنــت بــــابٍ لــــو تــدقــه تـفـجّــه = و الحـامـي الله مــا لـنــا بالـمـواجـه

[ناصر السحيمي]

ان كنت ناوي بالفـراق .. افترقنـا = ماني على طرد المقفين مغصوب

[ناصر السحيمي]

قلبي قسى .. و الا نسى .. فرحتي فيك = و الا .. بعـد .. مصـدوم مــن مــا جـرالـي

و اللـي خلقـنـي يــا اقــرب الـنـاس ابغـيـك = تـرجــع هـنــا .. بـيــن الـخـفـوق و ظــلالــي

ازمــــة مـشـاعــر بـيـنـنـا .. او بــعـــد ذيـــــك = الــلــي تـسـمــى بـالـقـهــر .. ويـــــل حــالـــي

يـــا تــــاج راس الـحـســن .. لـبـيــك لـبـيــك = مـــا عـــاش مـــن يـزعــل حـسـيــن الــدلالــي

انـتِ نهـر جـاري لحبـي .. و انــا افـديـك = بـالـلـي بــقــى لــــي مــــن عــمــر لـارتـحـالــي

الـدنــيــا مـــــا تــســـوى بــعــيــن الـمـمـالـيــك = و انـتـي ملكـتـي فــي حـلالـك .. حـلالــي

يـالـغـشـمـريـه يــــــاروع الـــحـــب يـكــفــيــك = انــــــك رجــــــا قــلــبــي و مـــنـــوة وصـــالـــي

[ناصر السحيمي]

كفى يا ذل .. وش باقي ؟ .. ترى صبري بدى ينفذ = و حـزنـي مـــن خـطــا غـيــري يتعـبـنـي و انـــا المـكـلـوم

عجب ! يا كيف .. يتهنى .. صخب شارع بلا منفذ = عــلــى شــــيٍ .. يحـسـسـنـا .. بـــــأن الــعـــز فـيــنــا دوم

تــرى ذل الـوطـن .. فعـلـه شبـيـه ... لـشـوكـة القـنـفـذ = صحيح الحجم يا صغره .. إذا صابك حرمـك النـوم

[ناصر السحيمي]

لا عاد تشكي علي من كثرة اوجاعـك = تـرى اللـي فينـي مـن اسبابـك مكفينـي

ان كان فيك الألم محصور بضلاعك = انـــــا بــوســـط الألـــــم كــلـــي بـتـلـقـيـنـي

[ناصر السحيمي]

يـا قلـب يالـك حنّـه .. شــو مـنّـه = ابـــــــــــــــــــــــي رد الـــــــــــســــــــــــؤال

رد بقـصـيـد و غـنّــه .. بـــل ونّــــه = اذا عــــــــــنـــــــــــدك مــــــــــجـــــــــــال

عــلــى طــــرقٍ بـفــنّــه .. زاد انّـــــه = غــــــــــــدى ســــــحــــــرٍ حـــــــــــــلال

بـدعـتــه شــعـــر عــنّـــه .. مـرهــنّــه = ابــــــــــوصــــــــــف هــــــــــالــــــــــدلال

ما يوم(ن) خاب ظنّه .. من سنّه = و لا خــــــــــيّـــــــــــب مـــــــــــنـــــــــــال

هــدانـــي ريـــــح بــنّـــه .. يـشـعـنّــه = بـــــــــيــــــــــن ابــــــــــريــــــــــق و دلال

شـربــت و قـــال ثـنّــه .. مـشـفـنّـه = و ســــــلــــــهـــــــم بــــــالـــــــســـــــلال

[ناصر السحيمي]

الا يــا دمـعـة العـاشـق تـوقـي خـــدّه الـمـجـروح = ترى اقسى الجروح اللي تخالط ملح دمعاتك

[ناصر السحيمي]

لا عاد تنكف تـرى مليـت = يـــا مـوجــعٍ قـلـبــي افـعـالــه

مـا عـاد تنفـع تــرى يالـيـت = لـو راح خـلـك عـلـى فـالـه

الــمــوت مــنّــه اذا ولــيــت = معْ فارق الوقت و الحاله

[ناصر السحيمي]

:)



طـبــخٍ طبخـتـيـه يـالـرفـلا .. عــســى مــــا شــــر = إن ما اعجب الناس .. ناصر يعجبه طبخك

طـعـمـك يـغـطــي حــــلاة الـطـبــخ و يـخـاشــر = مـلـح الحـيـاه و سـعـاده فـــي هـــوى بـذخــك

[ناصر السحيمي]

حرام انك تحرميني وجودك و العمر جزّاع =حرام انك تخليني على جمر الجفا حافي

[ناصر السحيمي]

ادق جــــوالــــك و الارقــــــــام عــــيّــــت = و ادور اسمك بين الاسما و لا القاه

مـــــا الـــــوم جــوالـــي و حــالـــه تـبــيّــت = من يوم ما سمعك و هو جاه مـا جـاه

قلبـي يـرحـب بــك و الانـفـاس حـيّـت = عطر الهوى و مخلّـط الزيـن و الجـاه

تبـي تعـرف احسـاس مـن فـيـك مـيّـت = اسـمـع تناهـيـده لـيـا جــاء مــن اقـصــاه

[ناصر السحيمي]

من صباح الخــــير لحدود المـسا = جعلـكم في خير حتى تمرحون

و من مساء الخير يالله و عسى = في ظلال الأمن حتى تصبحون

[ناصر السحيمي]

ما خلقت عيونك تناظر خطاويك = الله خلقـهـا تـــروي الـشــوق فـيـنـي

يالعنـبـوا جــد الـغـلا ويــن اوديـــك = ان شلتـك بعينـي شكـانـي حنيـنـي

[ناصر السحيمي]

لا جيتي كلك اتركــــي كل الانفاس = حقك عـلي .. أحط نفــسك بنفسي
قولي احبك و اسمعي رد الاحساس = ما هو صدى .. هذا قصيدي و همسي

[ناصر السحيمي]

اشــــره عــلــي لا صــــار شـــــيٍ بـــدونـــك = يـــا خـيّــل الـبـلـهـا و انــــا نــاصــر الــقــوم

مهــــوب انا اللــــي اكســــــــب الكسب دونك = و حنـا علـــــــــى خـشـرة مواجـيـب و سـلـوم

امــــا أزيـــــدك مــــن حــلالــي و اعــونـــك = و الا الطـــــفـس يـحــرم عـلــي جـيـتـه يـــوم

[ناصر السحيمي]

سلطانة الشرق .. عنقودك نئى عنّي = إدلي ثمارك فـ إني عاشقٌ هالك

[ناصر السحيمي]

اربع بويتات في خالد بن شبيب العمور الدوسـري
خوي و سنافي و زميل عمل و كذلك طيّــــب راس
و الرجال اذا شاف طيب خويّه ما يحرمه من الذكر



بعض العرب تكبر عليها المواجــيب = و بعض العرب سلم المراجل سعدها
و بعض العرب تكثر عليها العذاريب = و بعض العـرب ما تمسك اللي بيدها
و الا انت يا خالد على كفك الطــــيب = تعـــطي بلا مــــنّه و تـــنسى عددها
حتى و لو زادت علــــيك المطـــاليب = هانـــت و لانـت ما حسبت لجهدها

[ناصر السحيمي]

أشرب فناجيل عشــــــقك و اتقهواها = من دّلتـــــــك ما رويت و دوم ما أروى

صبي لي ريقك بجوفي و أكثري ماها = ما فيه مثلك و لا قدّك و لا شــــــروى

[ناصر السحيمي]

العيب ما هو حبك لـ بنت الأجواد = العيب لا صارت نواياك شينه

[ناصر السحيمي]

وشلون ابصبر عنك و انت تعـــرفني = أضمى على بعدك و ترويني شفاك

قل لي بربك من متى ترتشــــفني = و انا و لا مرّه تشبّعت مــن مـــــاك

[ناصر السحيمي]

الدنفسه عند المطاليق يا بنت = لا جابوا الناقه و نحرو ولدها

[ناصر السحيمي]

عطني على حبك وعد .. و اعتمدني = 1 مع 1 بـــــلا شــــــك أثنيــــــــــــن

لكـــــن تعال ... اللي سـمعته بإذني = انك رقم واحــــــــــد و تسوى ملايين

[ناصر السحيمي]

من يشتريني لا عرضوني على السوم ؟ = و كلٍ خذا قســــمه من الحب و الشوق

[ناصر السحيمي]

كلي وله .. الا من الشوق ميّت = اخاف من كلمة بوّدع و برحل
كنت اتحمل .. لكن الروح عيّت = اسف اذا شوقي طلبني كذا حل

[ناصر السحيمي]

قهرني الهم .. لين اركى على قلــــبي
و انا احسب إنه دقيقه ثم يخليــــــــني

حسبي على الليل و اللي عايفٍ قربي
ما يدري إنه على فرقـــاه مشقــــــيني

[ناصر السحيمي]

اكذب عليك ان قلت ... سالي و مرتاح = لا و الذي خـــــــلاك في داخل الروح

شلتني همومـــي على شِــلف و رماح = من ضيقةٍ تســــجد على سبعة جروح

زكيت لحظات الفـرح . . لجل الاتراح = لكن طمع حزنـــــي و شاركني النوح

صففت آهاتــي على خيــــــط مسباح = و سلمتــــــــها يد الزمن .. ليلة البوح

[ناصر السحيمي]

لو صبرت شوي .. قل لي وش يصير ؟ = ما تضــــــــــــيق .. الا و تاليها فــــرج

[ناصر السحيمي]

دلوعـــة العز .. يا مكـــــــثر خطاطيبــك = و يا قلّهم لو دفنــــك الحــــــظ فقـــرانه

إن ما كسبتي قلوب الناس من طيـــبك = و الا سجنك الـــزمن في داخل احزانه

[ناصر السحيمي]

من باب طنّش تعش .. خل الهوى عنّك = بعض السمـــــرمد خذا هالحب تصريفه

يقول احـــــبك .. و هو يبغى يجي منّك = شـــيٍ يقزّر معــــه وقتـــه و تصـــنيفه

[ناصر السحيمي]

الله يعيد العيد يا معايد العيد = و الله يعيدك كل ما عاد عيدي

[ناصر السحيمي]

يا سواد الليل ما مرّك ســــواد = لمّ نوضٍ في ثنــــاياه العســل

زاهي الخدين مبـروم الثنـــــاد = أدعج العينين مجدول الخصــل

ردّ لـــي لو مـــرّ زوله بالبلاد = مبطيِ ما شــفت حسنه بالمحل