ماتهاب
13-07-2011, 12:59 AM
السلام عليكم ورحمة الله وبركاته
راح ادخل لكم بالموضوع على طول
اللي هو السيارات الأتوماتيك والتعليق اللي حاصل فيها
والعيوب والخلل الموجود فيها
بعض الناس نلاحظهم يثبتون السرعه
على حد معين
وفي بعض الأحيان يعلق معه السرعة ولا عاد
تفصل وتمشي السياره وماتوقف إلا إذا انفك التعليق أو خلص البنزين
وبصراحه خطررر انك تثبت
السرعة
يمكن لاسمح الله يعلق معك ولا ينفك
فمن الأفضل انك ماتثبت السرعة
خصوصا الجيوب
اللي من تويوتا
فيها عيوب وخلل وأخطاء من صناعتها
وسمعت أن الشركه اعترفت بالتعليق اللي
حاصل فيها
واعترف عبد اللطيف جميل بالتعليق اللي فيها
طيب يأخي عدل هالعيوب اللي بصناعة السياره
ذبحت المسلمين
بعدين نظام السياره إلكتروني فممكن يعلق
وهذا شيء حاصل
يجئ الواحد ويثبت السرعة
على 180 ولا 200
ؤش الله حاده على هالسرعه
المفروض الانسان يكون حريصا على نفسه قبل كل شي ولايرمي نفسه الى التهلكه فمثلا 220 و180 كم في الساعه هذا يعقل حتى ولو الموتر مبرمج مايحتاج اصل الى هاالممشى .لو ظرب كفر لا على البال ولا على الخاطر بدون نظام اكتروني كيف تكون النتيجه .
كثير من الحوادث والوفيات اللي حصلت
بسبب التعليق اللي بنظام السياره
لاكن فيه ناس يقولون هالحوادث موب صحيحه وأنها
إشاعات ولا في سيارات تويوتا أي تعليق
وان هاللي يقولون الكلام يبغون يشووهون سمعة تويوتا
وأنا أقول إلا والله صحيح ماهي بأشاعه
اليوم ألأربعاء تقريبا الظهر فيه واحد خنفري. على سياره جيب طالع من الرياض هو وأهله متوجهين لصبحاء
وكان مثبت السرعه جاء يبي يوقف عند محطة الرأيه يبي يعبي لأن التأنكي ماكان به إلا الربع
جاء يبغى يفك مثبت السرعة عيا ينفك حاول وحاول
ومافاد شيء وكل ماجاء يدعس على الفرامل زادت السرعة
اللين وصلت 220
بلغ أمن الطرق يبغاهم يدبرونه
هالكلام اللي قاعده أقوله نقلا عن واحد من أقاربي جايه البلاغ اليوم وهو بالمركز
المهم نقط التفتيش. إذا مرت من عندهم السيارات نزلتهم يمين ويسار. الخط عشان السياره لأمرت ماقدامها أحد لأنها معلقه وتمشي
ومأكان فيه حل أنها توقف إلا إذا خلص البنزين أو أنها توقفها قدرة الله سبحانه
يوم قده في الرويضه ويخلص البنزين وتوقف
تخيلو معي الموقف وشافو الموت بعينهم سيارة تمشي الطبلون وبأي لحظه يصدمون ويموتون
لاكن الحمدلله مكتوب لهم عمر
وأيضا قبل تقريبا شهوور. ثلاثه الظاهر انهم زهارين مثبتين
السرعة
المهم علقت السرعه وأتوقع رايحيين للقصيم بس مو متأكده بالظبط المهم حاولو وماقدروو. يوقفون السياره
وكانو على اتصال مع أمن الطرق بس مأمن فايده
جاو مع منحنى ويسيد بهم قدام وينقلبون ويموتون الاثنين أما الثالث
توفا بسكته قلبيه قبل مايصدمون
لأن اللي كان يكلم أمن الطرق قال لهم أن خويهم توفا معهم
لاحول ولا قوة إلا بالله
وأيضا فيه واحد من أقاربي أنا مثبت السرعة وعلق معه وهو نازل من القديه
حاول لاكن ماقدر يوقف السياره
ويوم أراد له الله عمر وقفت السياره
بقدرة الله
هذي القصص ذكرتها للي يقولون أن مافيه تعليق. فيها ولا عيوب من الأساس
وان القصص اللي تناقلوها الناس أشاعه
لاكن ماقول إلا حسبي الله على من
كان السبب
لو به رياجيل صاملين كان يخلونها تصدي عن عبداللطيف جميل
لين يعدل عيوب السياارات
سبب حوادث للمسلمين
أنا لما قالي واحد من أقاربي أنه جائهم بلاغ عن هالخنفري
قلت اطرح هالموووضوع اللي أصلا من زمان كان.
أتمنى من كل من سيارته نظامها إلكتروني وتماتيك
أنه مايثبت السرعة. لأنه بأي لحظه ممكن يعلق
على قولة أبوي سق ثم ليا منك عجزت من السواقه أنزل على جنب الخط وريح وخل عنك تثبيت السرعة
لاعلق بك قلت ذيك اللحظة ياليتني ماثبت لاكن ماينفع ياليت
حبيت أوصل لكم هالرساله أنكم تتركون عنكم تثبيت السرعه
لاتقول سيارتي ماهي معلقه ولا قد لها كم معي سنين ماعلقت
بتعلق معك مثل ماغلقت مع غيرك
خصوصا انهم يقولون كل مانزل موديل جديد صار أخطر
من اللي قبله
أتمنى أكون طرحت شيء يفيدكم
واعتذر منكم مارتبت موضوعي زين وأحسه متشتت بس أهم شيء أوصل
لكم فائده
أختـــــكم الصغيرة. «مــــــاتهاب
راح ادخل لكم بالموضوع على طول
اللي هو السيارات الأتوماتيك والتعليق اللي حاصل فيها
والعيوب والخلل الموجود فيها
بعض الناس نلاحظهم يثبتون السرعه
على حد معين
وفي بعض الأحيان يعلق معه السرعة ولا عاد
تفصل وتمشي السياره وماتوقف إلا إذا انفك التعليق أو خلص البنزين
وبصراحه خطررر انك تثبت
السرعة
يمكن لاسمح الله يعلق معك ولا ينفك
فمن الأفضل انك ماتثبت السرعة
خصوصا الجيوب
اللي من تويوتا
فيها عيوب وخلل وأخطاء من صناعتها
وسمعت أن الشركه اعترفت بالتعليق اللي
حاصل فيها
واعترف عبد اللطيف جميل بالتعليق اللي فيها
طيب يأخي عدل هالعيوب اللي بصناعة السياره
ذبحت المسلمين
بعدين نظام السياره إلكتروني فممكن يعلق
وهذا شيء حاصل
يجئ الواحد ويثبت السرعة
على 180 ولا 200
ؤش الله حاده على هالسرعه
المفروض الانسان يكون حريصا على نفسه قبل كل شي ولايرمي نفسه الى التهلكه فمثلا 220 و180 كم في الساعه هذا يعقل حتى ولو الموتر مبرمج مايحتاج اصل الى هاالممشى .لو ظرب كفر لا على البال ولا على الخاطر بدون نظام اكتروني كيف تكون النتيجه .
كثير من الحوادث والوفيات اللي حصلت
بسبب التعليق اللي بنظام السياره
لاكن فيه ناس يقولون هالحوادث موب صحيحه وأنها
إشاعات ولا في سيارات تويوتا أي تعليق
وان هاللي يقولون الكلام يبغون يشووهون سمعة تويوتا
وأنا أقول إلا والله صحيح ماهي بأشاعه
اليوم ألأربعاء تقريبا الظهر فيه واحد خنفري. على سياره جيب طالع من الرياض هو وأهله متوجهين لصبحاء
وكان مثبت السرعه جاء يبي يوقف عند محطة الرأيه يبي يعبي لأن التأنكي ماكان به إلا الربع
جاء يبغى يفك مثبت السرعة عيا ينفك حاول وحاول
ومافاد شيء وكل ماجاء يدعس على الفرامل زادت السرعة
اللين وصلت 220
بلغ أمن الطرق يبغاهم يدبرونه
هالكلام اللي قاعده أقوله نقلا عن واحد من أقاربي جايه البلاغ اليوم وهو بالمركز
المهم نقط التفتيش. إذا مرت من عندهم السيارات نزلتهم يمين ويسار. الخط عشان السياره لأمرت ماقدامها أحد لأنها معلقه وتمشي
ومأكان فيه حل أنها توقف إلا إذا خلص البنزين أو أنها توقفها قدرة الله سبحانه
يوم قده في الرويضه ويخلص البنزين وتوقف
تخيلو معي الموقف وشافو الموت بعينهم سيارة تمشي الطبلون وبأي لحظه يصدمون ويموتون
لاكن الحمدلله مكتوب لهم عمر
وأيضا قبل تقريبا شهوور. ثلاثه الظاهر انهم زهارين مثبتين
السرعة
المهم علقت السرعه وأتوقع رايحيين للقصيم بس مو متأكده بالظبط المهم حاولو وماقدروو. يوقفون السياره
وكانو على اتصال مع أمن الطرق بس مأمن فايده
جاو مع منحنى ويسيد بهم قدام وينقلبون ويموتون الاثنين أما الثالث
توفا بسكته قلبيه قبل مايصدمون
لأن اللي كان يكلم أمن الطرق قال لهم أن خويهم توفا معهم
لاحول ولا قوة إلا بالله
وأيضا فيه واحد من أقاربي أنا مثبت السرعة وعلق معه وهو نازل من القديه
حاول لاكن ماقدر يوقف السياره
ويوم أراد له الله عمر وقفت السياره
بقدرة الله
هذي القصص ذكرتها للي يقولون أن مافيه تعليق. فيها ولا عيوب من الأساس
وان القصص اللي تناقلوها الناس أشاعه
لاكن ماقول إلا حسبي الله على من
كان السبب
لو به رياجيل صاملين كان يخلونها تصدي عن عبداللطيف جميل
لين يعدل عيوب السياارات
سبب حوادث للمسلمين
أنا لما قالي واحد من أقاربي أنه جائهم بلاغ عن هالخنفري
قلت اطرح هالموووضوع اللي أصلا من زمان كان.
أتمنى من كل من سيارته نظامها إلكتروني وتماتيك
أنه مايثبت السرعة. لأنه بأي لحظه ممكن يعلق
على قولة أبوي سق ثم ليا منك عجزت من السواقه أنزل على جنب الخط وريح وخل عنك تثبيت السرعة
لاعلق بك قلت ذيك اللحظة ياليتني ماثبت لاكن ماينفع ياليت
حبيت أوصل لكم هالرساله أنكم تتركون عنكم تثبيت السرعه
لاتقول سيارتي ماهي معلقه ولا قد لها كم معي سنين ماعلقت
بتعلق معك مثل ماغلقت مع غيرك
خصوصا انهم يقولون كل مانزل موديل جديد صار أخطر
من اللي قبله
أتمنى أكون طرحت شيء يفيدكم
واعتذر منكم مارتبت موضوعي زين وأحسه متشتت بس أهم شيء أوصل
لكم فائده
أختـــــكم الصغيرة. «مــــــاتهاب