محمد مطلوب ,,

[وسـمي نـجد]

السلام عليكم ورحمة الله وبركاته

يسعد صباحكم ..

؛؛


سلام الله لابو سالم سلامن يحتمي دوره=وابوسالم من اللي فعلهم سطر له امجادي
هجوس الشعر يامحمد على الطاروق مجبوره=وانا وياك ف الميدان والمعنى مع البادي

[محمد بن سالم الخنفري]

وعليكم السلام
وارحب


هلا يامرحبا ترحيبتن في الكتب مسطوره = على نهج الجدود الاولين اجدادك اجدادي
وانا خابرك شاعر فالشعر نجمن سطع نوره = توكل واحتزم واتحقق امرادك مع امرادي

[وسـمي نـجد]

ههههههه


انا مااقول غير الله يجنب عنكم الثوره=وسلم الجود مهما صار يبقى سلم الاجوادي
وانا خابرك منشد صوتك امزين لك الصوره=لكن اعرف وشوف الفرق بين الضلع والوادي

[محمد بن سالم الخنفري]

:d


وانا باقول وين اللي قحص ثم طق لي زوره = ويشعب بكرته البكره اللي مالها شدادي
ترى الجو الصحو وارضه من امسيان ممطوره = وثار الشيح من عقب البطا ويخالطه كادي

[وسـمي نـجد]

انا بقول من مثلك بشوته شوتة الكوره=ولاكن لا حياة اللك على ماقيل يامنادي
بسوق الفاسد الجوار ثم اسد حنجوره=اقوله والمعزه في لامان وعزة ابلادي

[محمد بن سالم الخنفري]

توقع يافتى رجلك ترى بتصير مكسوره = نصيحه جنب الهضبه تراك بعطف نقادي
الا يالله دخيل كان به فالناس مسعوره = فلاتعرف دروب الناس وتتبع كلمه الغادي

[وسـمي نـجد]

هههه

براسك يابوسالم ولاهنت يامنشدنا العذب استمتعت باللعب معك ,,

الجايات اكثر



تقديري

[حوت البحور]

طاروق حماسي اتمنى انه اطول من كذا

[الجادل]

صح السنتكم شعار كبار وطاروق الرائع بيض الله وجيهكم

[مسفر الجحدري]

صح لسسسانك ياوسمي نجد ولسااانك يا ابو سالم


طاروق جميل ورائع