سعود القت
26-06-2007, 12:18 PM
ماحلا السجة مـع البـر للصـدر الكتـوم = في فياض(ن) يدله البال مـع يشمومهـا
علها وبل الحيـا مـن مبـدرة الوسـوم = مزنة(ن) غـرا تداحـم قنـوف غيومهـا
يرتوي منها وطا الارض وتقض الحـزوم = وبلهـا ودان مـا ينقـطـع ديمومـهـا
ترجع الارض المحل من عطا الرب الرحوم = وتانس النفس الشقيـة بنفـح نسومهـا
المحاجر فايضـه والطيـور ابهـا تعـوم = وام سالـم تنـزل وتعتلـي فـي حومهـا
بهجة اللي وسط جاشه كما لفح السمـوم = مبطـي ونفسـه تزايـم ثقـال همومهـا
الفيافي مخضره والسمـا مـردم غيـوم = والنفوس الساليه غاطسـه فـي نومهـا
ما يحجب الشوف مبنـى ولا قلـة يمـوم = ديرة(ن) كـلٍ يسولـف بطيـب ريومهـا
مدهل بكار(ن) لعود(ن) مقـدر ومحشـوم = وفي هواها النفس تشقى ولاحـد يلومهـا
غاليه واتلاد من يـوم زرقـات السهـوم = تشبـح النظـرة بهاذيـك هـذي تومهـا
ما سجع بالصوت دلالهـا يامـن يسـوم = ولا شراها من بغاهـا مـع اول سومهـا
لاعرضت قامت تبختر بممشـى فيـه زوم = ومن مواطيها الصغيرة عجـل درهومهـا
منفهـق سنامهـا ناسـع الغـارب ردوم = منهزع عرقوبهـا منهـدل خرطومهـا
وارقبـه سنـاد والخـد راهـي ومعـدوم = والاذانـي فهق دون الفتـر بوقومهـا
تدهشك لامنها جت مـن المبـرك تقـوم = تمتعـك بقيامهـا كنـه احـد يهومـهـا
ذيلها فوق الشبر والوبر حسـك(ن) بـروم = صورة(ن) تشدى السحابـه ورا تنعومهـا
راهيات الطـول سنـاد سمحات الجـروم = متيهه تزهى الجنايب بزين جرومهـا
شامة(ن) بذيالها كبـر بصمـات البهـوم = وشامة(ن) في وقمهـا مثلهـا بخشومهـا
ما حلا لا كفهـا صـوت مودهـا قـدوم = وبعد مـا تفاوقـت درت بمغنومـهـا
مع عتيم الليل والضو وهـاج(ن) شعـوم = وامهـات العز تجتـر فـي مطعومهـا
صحبة اللي فالنوايـب يسـدون اللـزوم = استدارت دلـة الكيـف عقـب اولومهـا
وابتدا حذف الشمغ وابتدا سـرد العلـوم = ونسيت النفس الشقيـة جميـع همومهـا
علها وبل الحيـا مـن مبـدرة الوسـوم = مزنة(ن) غـرا تداحـم قنـوف غيومهـا
يرتوي منها وطا الارض وتقض الحـزوم = وبلهـا ودان مـا ينقـطـع ديمومـهـا
ترجع الارض المحل من عطا الرب الرحوم = وتانس النفس الشقيـة بنفـح نسومهـا
المحاجر فايضـه والطيـور ابهـا تعـوم = وام سالـم تنـزل وتعتلـي فـي حومهـا
بهجة اللي وسط جاشه كما لفح السمـوم = مبطـي ونفسـه تزايـم ثقـال همومهـا
الفيافي مخضره والسمـا مـردم غيـوم = والنفوس الساليه غاطسـه فـي نومهـا
ما يحجب الشوف مبنـى ولا قلـة يمـوم = ديرة(ن) كـلٍ يسولـف بطيـب ريومهـا
مدهل بكار(ن) لعود(ن) مقـدر ومحشـوم = وفي هواها النفس تشقى ولاحـد يلومهـا
غاليه واتلاد من يـوم زرقـات السهـوم = تشبـح النظـرة بهاذيـك هـذي تومهـا
ما سجع بالصوت دلالهـا يامـن يسـوم = ولا شراها من بغاهـا مـع اول سومهـا
لاعرضت قامت تبختر بممشـى فيـه زوم = ومن مواطيها الصغيرة عجـل درهومهـا
منفهـق سنامهـا ناسـع الغـارب ردوم = منهزع عرقوبهـا منهـدل خرطومهـا
وارقبـه سنـاد والخـد راهـي ومعـدوم = والاذانـي فهق دون الفتـر بوقومهـا
تدهشك لامنها جت مـن المبـرك تقـوم = تمتعـك بقيامهـا كنـه احـد يهومـهـا
ذيلها فوق الشبر والوبر حسـك(ن) بـروم = صورة(ن) تشدى السحابـه ورا تنعومهـا
راهيات الطـول سنـاد سمحات الجـروم = متيهه تزهى الجنايب بزين جرومهـا
شامة(ن) بذيالها كبـر بصمـات البهـوم = وشامة(ن) في وقمهـا مثلهـا بخشومهـا
ما حلا لا كفهـا صـوت مودهـا قـدوم = وبعد مـا تفاوقـت درت بمغنومـهـا
مع عتيم الليل والضو وهـاج(ن) شعـوم = وامهـات العز تجتـر فـي مطعومهـا
صحبة اللي فالنوايـب يسـدون اللـزوم = استدارت دلـة الكيـف عقـب اولومهـا
وابتدا حذف الشمغ وابتدا سـرد العلـوم = ونسيت النفس الشقيـة جميـع همومهـا