عبد الهادي حمد العفيش
02-11-2007, 10:24 PM
يسعد مساء الجميع
قصيده في ال هدلان
قلتها في وقت سابق وصدرت في ديوان الشيخ شالح
البارحه مانمت والطرف سهران=سهران واعد الكواكب لحالي
لانيب مديونً ولانيب ديان=لكن طرالي يالربع ماطرالي
طرالي اخوة طويلين الايمان=روس الرجال اللي تفك التوالي
شالح مع اخوه الفديع ا بن هدلان=مامثل اخوتهم من اول وتالي
اخوةٍ عزالله ان شانها شان=شان رفيع وماكر العز عالي
وان جاء نهار فيه عجٍ ودخان=وجاء للرمك والخيل فيه اجتوالي
عاداتهم تخضيب حد الشبا الزان=يروون حد مصقلات السلالي
يردون للموت الحمر ورد عطشان=عقب التعب جمٍ قراح زلالي
كم جندلوا من شيخ قومٍ وفرسان=وكم فرقوا مابين غالي وغالي
اما ولدهم ذيب للمجد عنوان=مجده وفعله فاق كل الرجالي
شجاعته تبقى على مر الازمان=مضرب مثل غرب وجنوب وشمالي
واخوانه الباقين بالفعل شجعان=مافيهم اقصورٍ على كل حالي
افعالهم تفخر بها كل قحطان=لاجاء لهم فالوقت ذكر ومجالي
وانا من اللي لارقص كل شيطان=تقدم على الموت الحمر ماتبالي
عواطفٍ وقت المواقيف ظفران=وافعالهم تعرف بماض الليالي
ولاقول في باقي الرجاجيل نقصان=كلاً بفعله ياكرام السبالي
تمت وصلوا عد ماهل ودان=على الرسول اعداد وبل الخيالي
قصيده في ال هدلان
قلتها في وقت سابق وصدرت في ديوان الشيخ شالح
البارحه مانمت والطرف سهران=سهران واعد الكواكب لحالي
لانيب مديونً ولانيب ديان=لكن طرالي يالربع ماطرالي
طرالي اخوة طويلين الايمان=روس الرجال اللي تفك التوالي
شالح مع اخوه الفديع ا بن هدلان=مامثل اخوتهم من اول وتالي
اخوةٍ عزالله ان شانها شان=شان رفيع وماكر العز عالي
وان جاء نهار فيه عجٍ ودخان=وجاء للرمك والخيل فيه اجتوالي
عاداتهم تخضيب حد الشبا الزان=يروون حد مصقلات السلالي
يردون للموت الحمر ورد عطشان=عقب التعب جمٍ قراح زلالي
كم جندلوا من شيخ قومٍ وفرسان=وكم فرقوا مابين غالي وغالي
اما ولدهم ذيب للمجد عنوان=مجده وفعله فاق كل الرجالي
شجاعته تبقى على مر الازمان=مضرب مثل غرب وجنوب وشمالي
واخوانه الباقين بالفعل شجعان=مافيهم اقصورٍ على كل حالي
افعالهم تفخر بها كل قحطان=لاجاء لهم فالوقت ذكر ومجالي
وانا من اللي لارقص كل شيطان=تقدم على الموت الحمر ماتبالي
عواطفٍ وقت المواقيف ظفران=وافعالهم تعرف بماض الليالي
ولاقول في باقي الرجاجيل نقصان=كلاً بفعله ياكرام السبالي
تمت وصلوا عد ماهل ودان=على الرسول اعداد وبل الخيالي